Rapture ချီဆောင်ခြင်း

Rapture   ခရစ်တော်ကြွလာတော့မယ်လို့ ဟောကိန်းထုတ်မှုများရဲ့ အမှား
" ထိုအချိန်နာရီကိုကား အဘယ်သူမှမသိ။ ကောင်းကင်တမန်မသိ။ ငါ့ခမည်းတော်တပါးတည်းသာ သိတော်မူ၏။ " မဿဲ ၂၄: ၃၆

၁။ မသိနိုင်ပါဘူးလို့ ပြောထားရဲ့သားနဲ့ ရက်အတိအကျ ပြောနေရင် အတော်မှားနေပြီ။ Family Radio မှ Harold Camping က May 21, 2011 မှာ သခင်ဘုရား ကြွလာမယ်။ October 21, 2011 မှာ ကမ္ဘာပျက်မယ်လို့ ဟောကိန်းထုတ်နေတယ်။ အယုံလွယ်သူတွေအတွက်တော့ ပြောစရာကြီးကို ဖြစ်လို့ပေါ့။ ၁၉၉၄ စက်တင်ဘာ ၆ တုန်းကလည်း သူ ၂ နှစ်လောက် ပြောထားတာကို ယုံတဲ့သူတွေက အတူစုဝေး စောင့်နေခဲ့ဖူးတယ်။ ကလေးတွေပါမကျန် တနင်္ဂနွေနေ့ အဝတ်အစားတွေနဲ့ ကျမ်းစာအုပ်ကိုင်ပြီး ကောင်းကင်ကို မော့ကြည့် စောင့်စား နေခဲ့ကြတယ်။ ပြီးမှ ဆရာသမားက အတွက်မှားသွားတယ်လို့ လျှောချလိုက်တယ်။

၂။ မသိနိုင်အောင် လျှို့ဝှက်ထားပါတယ်ဆိုရင် နိမိတ်တွေ ပြပါ့မလား။ နိမိတ်တွေက ချီဆောင်ခြင်းအပြီး၊ မြေကြီးပေါ်အထိ ကြွလာခါနီးမှ ပြမှာပါ။ သဘာဝဘေးဒဏ်တွေ၊ စစ်ပွဲတွေ၊ ငတ်မွတ်ခေါင်းပါးခြင်းတွေ၊ အနာရောဂါတွေကတော့ ကမ္ဘာဦးကတည်းက ရှိနေတာပါ။ ဒီဒုက္ခခံစားရသူတွေကို တတ်နိုင်သမျှ ကူညီဖို့ဟာ ခရစ်ယာန်တွေ လုပ်ရမယ့်တာဝန်တွေပဲ။ Signs နိမိတ်လက္ခဏာတွေကို မရှာပါနဲ့၊ Savior ကယ်တင်ရှင်ကိုသာ ရှာပါ။ Do not look for signs but the Savior.

၃။ ခရစ်တော်ကြွလာတော့မယ်ဆိုရင်လည်း ခရစ်ယာန်တယောက်အနေနဲ့ သွေးရူးသွေးတန်း လျှောက်လုပ်နေဖို့ မဟုတ်ဘူး။ ယုံကြည်သူဟာ လောကရဲ့ ဆားဆိုတော့ ဆားရဲ့သဘာဝ အငံဓါတ်ကို ထိန်းရမယ်။ နှိမ့်ချမှု၊ ဖြူစင်ရိုးသားမှု၊ ဆာငတ်မှု၊ ရန်ငြိမ်းစေတတ်မှု - - - စတာတွေကို ဆက်ထိန်းရပါမယ်။ လောကရဲ့ အလင်းအနေနဲ့ Brighten the corner where you are ဆိုတဲ့ သီချင်းကလေးလိုပဲ ကိုယ်ရှိရာအရပ်မှာ အလင်း လင်းရမယ်။

၄။ ခရစ်တော် ကြွလာမှာကတော့ အမှန်ပါ။ ဒါပေမယ့် ရက်အတိအကျပြောတာမျိုးကို ယုံလွယ်တာကတော့ ယုံကြည်ခြင်းအားနည်းသူ၊ ကျမ်းစာ သိပ်မလေ့လာသူ၊ ဘုရားသခင်အတွက် ဘာမှမလုပ်ပဲနေလေ့ရှိသူတွေမှာ အိပ်ချင်မူးတူး ဖြစ်တတ်လေ့ရှိပါတယ်။ ထ ယောင်နေတာမျိုးပေါ့။

၅။ ထ ယောင်တဲ့လူထက်ပိုဆိုးတာက ဟန်ဆောင်တဲ့သူပဲ။ တချို့က ခရစ်တော် ကြွလာတော့မယ် လို့ ပြောနေရရင် သူတို့ကိုယ်သူတို့ ဝိညာဉ်သဘောရှိနေပြီလို့ ကြေနပ်နေတတ်တယ်။ ပါးစပ်က ပြောတာနဲ့ ဝိညာဉ်သဘောရှိတာမဟုတ်ဘူး။ စိတ်ထားပြင်မှ ရှိတာပါ။

၆။ ခရစ်တော်ကြွလာမယ်ဆိုတာဟာ ယုံကြည်သူအတွက် ကြောက်စရာမဟုတ်ဘူး။ ပျော်စရာပါ။ အခုလုပ်ဆောင်ထားတာလေးတွေအတွက် ဆုပေးဖို့ မိုးကောင်းကင်ထက်ကို ချီဆောင်မှာပါ။ စစ်မှန်စွာလုပ်ဆောင်ဖို့ပဲ လိုတယ်။ ဒါဆိုပြီးပြီပေါ့။ ပျော်စရာ ဇာတ်သိမ်းခန်းကလေး Happy Ending မှာ ပါဝင်ရမှာ ဖြစ်တဲ့အတွက် ခရစ်ကြွလာခြင်းကို အထိတ်တလန့် မဖြစ်ပဲ ကြည်နူးစွာသာ မြော်လင့်စောင့်စားကြပါစို့။     ။

QUOTATIONS ( JULY, AUGUST ) အဆိုအမိန့်

QUOTATIONS    ( JULY )   အဆိုအမိန့် စကားများ

1. God has two thrones: one in the highest heavens, the other in the lowliest heart. – D. L. Moody.
ဘုရားသခင်မှာ ပလ္လင်နှစ်ခု ရှိပါတယ်။ အမြင့်ဆုံး ကောင်းကင်ဘုံနဲ့ အနှိမ့်ချဆုံး နှလုံးသားတို့ပါပဲ။

2.  Behind every work of God you will always find some kneeling form. –  D. L. Moody.
ဘုရားအမှုတော်လုပ်ငန်းတိုင်းရဲ့ နောက်ကွယ်မှာ ဒူးထောက်ပုံ တမျိုးမျိုးတော့ တွေ့ရစမြဲပါ။

3. Love is never afraid of giving too much.
ချစ်ခြင်းမေတ္တာဟာ အများကြီးပေးရမှာကို ကြောက်လေ့မရှိပါ။

4. There never was any heart truly great and gracious that was not also tender and compassionate. – Robert South.
တကယ်ကြီးမြတ်၊ ဖေါ်ရွေတတ်တဲ့ နှလုံးသားတို့မည်သည် ကြင်နာခြင်းနဲ့ သနားခြင်း မရှိဘဲ မနေပါ။

5. Do what God calls you to do and you are a success. – T. DeWitt Talmage.
ဘုရားခိုင်းတာလုပ်၊ အောင်မြင်မယ်။

6. FAITH :  Forsaking  All,  I'  Trust  Him.
ယုံကြည်ခြင်း ရဲ့ အဓိပ္ပါယ်ကို ရှင်းပြဖူးတာတခုကတော့ - - - " အားလုံးပုံပြီး၊ အားကိုးပါ " တဲ့။

7. The Christian who is careless in Bible reading is careless in Christian living. – Max Reich.
ကျမ်းစာဖတ်ဖို့ အလေးမထားတဲ့ ခရစ်ယာန်ဟာ ခရစ်ယာန်လို အသက်ရှင်ဖို့ကိုလည်း အလေးမထားသူပါ။

8. We are all dangerous folk without God's controlling Hand. – W.W. Ayer.
ဘုရားလက်တော်နဲ့ ထိန်းချုပ်မထားရင် လူတိုင်းဟာ ကြောက်စရာကောင်းတဲ့သူတွေပါ။

9.  Associate yourself with men of good quality if you esteem your own reputation; for 'tis better to be alone than in bad company. – George Washington.
မကောင်းတဲ့ အပေါင်းအဖေါ်တွေကြားမှာနေရတာထက်၊ တယောက်တည်းနေရတာက ပိုကောင်းတာကြောင့် ၊ ကိုယ့်သိက္ခာကို လေးစားရင်- ကောင်းတဲ့ အရည်အချင်းရှိသူတွေနဲ့ ပေါင်းဖေါ်ပါ။

10. The greater the man, the greater the courtesy.
လူဟာ ကြီးမြတ်လေလေ၊ သိမ်မွေ့ ယဉ်ကျေးလာလေလေပါ။ 

QUOTATIONS ( AUGUST ) အဆိုအမိန့်များ

1. The future of the race marches forward on the feet of little children. – Phillips Brooks.2. If
လူမျိုးတမျိုးရဲ့ အနာဂတ်ဟာ ကလေးတွေ ခြေထောက်လှည့်တဲ့ဖက်ကို ဦးတည်နေပါတယ်။

2. If the world is ever to get on its feet again,
    the church will get on its knee again.
လောကီသားတွေဟာ ကိုယ့်ခြေထောက်ပေါ် ကိုယ်ရပ်ရစမြဲ ဆိုရင်
အသင်းတော်က ကိုယ်ဒူးပေါ် ကိုယ်ရပ်ရပါမယ်။

3. I don't know who my grandfather was;
    I am much more concerned to know what his grandson will be.  - Abraham Lincoln.
ကျွန်တော့အဘိုး ဘယ်သူဆိုတာ ကျွန်တော် မသိဘူး။
သူ့မြေး ဘာဖြစ်လာမလဲ ဆိုတာပဲ သိချင်နေတယ်။

4. No one can believe how powerful prayer is,
    And what is able to effect,
    But those who have learned it by experience. – Martin Luther.
ဆုတောင်းတာဟာ သိပ်တန်ခိုးပါတယ်၊ သိပ်ထိရောက်တယ် ဆိုတာကို လက်တွေ့  သင်ယူထားသူမှတပါး တခြားလူ မသိနိုင် နားမလည်နိုင်ပါ။

5. To know the will of God is the greatest knowledge.
    To do the will of God is the greatest achievement. - George W. Truett
    ဘုရားအလိုတော် သိရတာဟာ အကြီးမြတ်ဆုံး အသိပညာပါ။
    အလိုတော်ကို ဆောင်ရွက်တာကတော့ အကြီးမားဆုံး အောင်မြင်မှုပါ။

    What makes the Dead Sea dead?
Because it is all the time receiving but never giving out.
Why is it that many Christians are cold?
Because they are all the time receiving but never giving out.  - D. L. Moody
ပင်လယ်သေ ဘာကြောင့် သေရသလဲ။
အချိန်ပြည့် အယူပဲရှိပြီး အပေးမရှိလို့ပါ။
ခရစ်ယာန် အများစု ဘာကြောင့် အေးစက်နေသလဲ။
အချိန်ပြည့် အယူပဲရှိပြီး အပေးမရှိလို့ပါ။

    You may never do everything you dream you'll do,
but you'll never do any more than you dream.
So dream and dream big.
It costs no more to shoot at eagles than it does at skunks.  - Curtis Hutson
        လုပ်မယ့် စိတ်ကူးအကုန်လုံး မလုပ်မိတတ်ပေမယ့်
        စိတ်ကူးထားတာထက်တော့ ပိုလုပ်မိမှာ မဟုတ်ဘူး။
        ဒါကြောင့် စိတ်ကူးပါ။ ကြီးကြီးမားမား စိတ်ကူးပါ။
        အနံ့ဆိုးတဲ့ ဖျံကြားတွေကို ပစ်ရတာထက်
        သိန်းငှက်တွေ ပစ်ရတာက ဘာမှပိုမကုန်ကျပါ။

    I will not permit any man to narrow and
     degrade my soul by making me hate him. -  Booker T. Washington
         သူ့ကို မုန်းလို့ ကျွန်တော့ ဝိညာဉ် အမြင်ကျဉ်းမြောင်းလာ၊
         အဆင့်အတန်း နိမ့်ကျတာမျိုး ဘယ်သူ့ကြောင့်မှ
        ကျွန်တော် အဖြစ်မခံဘူး။

    What your conscience says is more important
than what your neighbors say.
သူများပြောတာထက် ကိုယ့် အသိစိတ် ပြောနေတာတွေက
ပို အရေးကြီးပါတယ်။ 

 

Difficulties can afford a platform upon which the LORD can display His power.  -  J. Hudson Taylor

 အခက်အခဲတွေက ဘုရားတန်ခိုးတော်ပြစရာ စင်မြင့် ဖြစ်လာနိုင်ပါတယ်။

     Prayer gives you courage
           to make the decisions you must make in a crisis
   and then the confidence to leave the result to God. -  Gen. Dwight Eisenhower
         ဆုတောင်းတာဟာ အကြပ်အတည်းထဲမှာ
         ဆုံးဖြတ်ချက်ချရဲတဲ့ သတ္တိကိုပေးတယ်။ ပြီးတော့
         အရှုံးအမြတ်ကို ဘုရားလက်ထဲ ပုံအပ်ရဲစေတယ်။

I never prayed earnestly for anything
but it came sooner or later,
and oftentimes in the way I least imagine.  - Adoniram Judson

အသည်းအသန် တခါမှ ဆုမတောင်းဖူးဘူး။
ဒါပေမယ့် အနှေးနဲ့ အမြန် ဆိုသလို ရလာတတ်တယ်။
မထင်မှတ်ပုံနဲ့ ဖြစ်လာတတ်တာ များတယ်။

        When thou prayest, rather let thy heart be without words
        than thy words without heart.
           Prayer will make a man cease from sin,
          or sin will entice a man to cease from prayer. - John Bunyan
           စိတ်မပါဘဲ စကားသက်သက် ဆုတောင်းမယ့် အစား
           စကားမပါဘဲ စိတ်နဲ့ပဲ ဆုတောင်းပါ။
           ဆုတောင်းတာက လူကို အပြစ်မလုပ်စေဘူး။
           အပြစ်ကလည်း လူကို ဆုမတောင်းစေတော့ဘူး။

     To have an unforgiving spirit and harbor bitterness only hurt one's self.
Hatred is a poison that destroys the vessel in which it's kept. - Dr. Curtis Hutson
      ခွင့်မလွှတ်ပဲ ခါးသည်းတဲ့ စိတ်တွေမွေးတာဟာ ကိုယ့်ကိုပဲ ပြန်ထိခိုက်တယ်။
      အမုန်းဆိုတာ ထည့်ထားတဲ့ အိုးကို ဖျက်ဆီးတဲ့ အဆိပ်တမျိုးပဲ။
 

A man who has strong convictions
but who is weak on courage is
only slightly ahead of the man who has no conviction at all. -  Dr. Shelton Smith
      အမှန်ကို သိရဲ့သားနဲ့ မလုပ်ရဲသူဟာ
      အမှန်ကို လုံးဝ မသိဖို့ ဦးတည်လာနေပြီ။

Unless a man cultivates a habit of systematic giving
when he has not much to give,
he will give little when he is rich.  -  Samuel Chadwick
မရှိတဲ့ အချိန်မှာ စနစ်တကျ မပေးတတ််ရင် သူ ချမ်းသာလည်း နဲနဲပဲ ပေးမှာပါ။

     It takes sixty four facial muscles to make a frown
but only thirteen to make a smile.
Why work overtome?
မျက်မှောင်ကြုတ်ဖို့ရာ မျက်နှာပြင်က ကြွက်သား ၆၄ ခု အလုပ် လုပ်ရတယ်။
ပြံုးရင်တော့ ၁၃ ခုပဲ လိုတယ်။ အပို မလုပ်နဲ့။

The religion that makes  a man look sick certainly won't cure the world! - Phillips Brooks

လူကို မရွှင်ပျစေတဲ့ ဘာသာတရားဟာ လောကကြီးရဲ့ ဝေဒနာတွေကို မပျောက်စေနိုင်ဘူး။

Evan you're on the right track, you'll get run over if you just sit there. -  Will Roger လမ်းမှန်ပေါ်မှာရှိ်နေပေမယ့်  ရပ်နေရုံပဲ ရပ်နေရင်တော့ ရွေ့လျော့ လဲကျသွားနိုင်တယ်။
 

 I have oft regretted my speech – never my silence. – Publius Syrus
တိတ်တိတ်နေလို့ မမှားဘူး။ စကားကြောင့်သာ နောင်တ ခဏခဏ ရရတာ။

    There are a hundred men hacking at the branches of evil
            to everyone who is striking  at the roots of evil. -  Henry Ward Beecher
        မကောင်းတဲ့ အမြစ်ကို တိုက်ခိုက်သူ တယောက်ရှိရင်
        မကောင်းတဲ့ အကိုင်းအခက်တွေကို ခုတ်ဖြတ်သူ တရာရှိပါတယ်။

    The strength of a country is the strength of its religious convictions. -  Calvin Coolidge
       တိုင်းပြည်တခုရဲ့ အင်အားဟာ အဲဒီတိုင်းပြည်ရဲ့
       ဘာသာတရား အသိစိတ်ဓါတ်အင်အားပေါ်မှာ မူတည်ပါတယ်။

The Bible is the best book that ever was or ever will be in the world.  - Charles Dickens
သမ္မာကျမ်းစာဟာ ရှိဖူးသမျှ (သို့) နောင် ရှိလာမည့် စာအုပ်တွေထဲမှာ အကောင်းဆုံးပါပဲ။

Just as one digit is valuable in the multiplication table,
and one letter in the alphabet,
far more valuable is just one soul in God's sight. – R. G. Lee
ဂဏန်းတလုံးက အမြှောက်အလီ ဇယားမှာ၊
စာလုံးတလုံးက သင်ပုန်းကြီးမှာ တန်ဖိုးရှိတာထက်
ဘုရားသခင်ရှေ့မှာ လူတယောက်ရဲ့ ဝိညာဉ်က ပိုတန်ဖိုးရှိပါတယ်။
 

Those who give up essential liberty to purchase a little temporary safety deserve neither liberty nor safety. - Benjamin Franklin
         ခဏတာ ဘေးလွတ်ဖို့အတွက် မရှိမဖြစ်တဲ့ လွတ်လပ်မှုကို အရှုံးခံသူဟာ
         မလွတ်လပ်ထိုက်သလို လုံလည်း မလုံခြုံထိုက်ပါ။
 

A smile and a scowl are known and read in every language and dialect. - Walter L. Eberly
        အပြုံးနဲ့ အမဲ့ကို ဘာသာစကားတိုင်းက သိနိုင်၊ နားလည်နိုင်တယ်။
 

Conscience can be trusted as a guide for conduct only
when it is guided by a perfect standard. -  M. E. Dodd
           စုံလင်တဲ့ စိတ်ဓါတ် အဆင့်အတန်းရှိမှသာ ကိုယ့်အသိစိတ်ကို
           အပြုအမူ လမ်းပြအဖြစ် အားကိုးနိုင်တာပါ။

The religion of the world says, "Do and Live".
The religion of the Bible says, "Live and Do".   - Dr. Bob Jones Sr;  
လောကသားတွေရဲ့ ဘာသာတရားက "ကျင့်ပြီးမှ၊ အသက်ရှင်ပါ"၊
သမ္မာကျမ်းစာရဲ့ ဘာသာတရားကတော့ "အသက်ရှင်ပြီးမှ၊ ကျင့်ပါ"။
 

Don't learn "the tricks of the trade" ; learn the trade. -  Curtis Hutson 

အလုပ်မှာ လူလည်ကျနည်း မသင်ယူနဲ့၊ အလုပ်လုပ်တတ်အောင်ပဲ သင်ယူပါ။

    In the Christian life, we must loose to gain;
We must give to obtain;
We must be last to be first;
We must be humble to be exalted;
We must be least to be gratest;
We must die to live. -    E. H. Blake.
          ခရစ်ယာန်ဆိုတာ အောင်မြင်ဖို့ အရှုံးခံရမယ်။
          ရဖို့ ပေးရမယ်။
          အဦး ( ပထမ ) ဖြစ်ဖို့ နောက်ဆုံးကျရမယ်။
          ချီးမြှောက်ခံရဖို့ နှိမ့်ချခံရမယ်။ 
          ကြီးမြတ်ဖို့ သေးငယ်ရမယ်။
          ရှင်ဖို့ သေရမယ်။

     Garments of righteousness never go out of style.
ဖြောင့်မတ်ခြင်း ဝတ်လုံဟာ ဘယ်တော့မှ မရိုး၊ ဘယ်တော့မှ ခေတ်နောက်မကျပါ။

Curtis Hutson ( 8 ), Integrity in Advertising --- ရိုးရိုးသားသား ကြော်ညာပါ

Integrity in Advertising and Promoting ( 8 )

By Dr. Curtis Hutson   

ကြော်ငြာရာ၊ ဆွဲဆောင်ရာမှာ ရိုးသားပါ

ပိုပိုကဲကဲ ပြောမိလို့ စိတ်ပျက်သွားကြမယ့်အစား၊ လျော့ပြောတယ်လို့ အထင်ခံရတာကမှ ပိုကောင်းပါသေးတယ်။ ရှောလမုန်မင်းထံ ရှေဘမိဖုရား လာတဲ့အခါ ပြောတဲ့စကားကို သတိရပါ။ "ယခုမူကား၊ အရင် ကြားသောစကားသည် တဝက်ကိုမျှ မမှီ။ "(၃ရာ ၁၀: ရ) သူ မြော်လင့်တာထက် ပိုတွေ့ရလို့ပါ။
တအား မြော်လင့်ခိုင်းပြီး၊ မြော်လင့်တဲ့အတိုင်း လုပ်မပြနိုင်တာထက်စာရင်၊ တရားမဟောခင် မြော်လင့်ချက်တွေ လျှော့ချပေးတာက ပိုကောင်းတယ်လို့ ထင်ပါတယ်။

မြော်လင့်ထားတာထက် ပိုလုပ်နိုင်ရင် အောင်မြင်တာပဲ။ မိတ်ဆွေ တယောက်နဲ့ ဂေါက်သီးကစားရင်၊ ကိုယ့်ကို တော်တယ်ထင်ပြီး အမှတ်တွေ ညံ့အောင် မလုပ်တာ အကောင်းဆုံးပဲ။ သိပ်မတော်ဘူး။ အမှတ်တွေ ကောင်းလာတယ်လို့ပဲ ထင်ပါစေ။
ပိုပိုကဲကဲ ပြောလိုက်တဲ့အခါ တဖက်သား မြော်လင့်တဲ့အတိုင်း လိုက်လုပ်ဖို့ ကြိုးစားရတာက ဝန်ပိုလာစေတယ်။

ဂျော်ဂျီယာ ပြည်နယ်ရဲ့ အကြီးဆုံးအသင်းတော်မှာ သင်းအုပ်လုပ်ရတုန်းက လူတွေလာတဲ့အခါ သူတို့ ထင်ထားတာထက် ပိုတွေ့ရအောင် ကြော်ငြာဖို့ ကြိုးစားရတယ်။ အဲဒီနည်းဟာ ကဲ့ရဲ့စကားတွေအစား အကောင်းမြင်စကားတွေပဲ ပြောလာစေတယ်။ " ငါက တကယ့် အသင်းတော်ကြီးလို့ ထင်ခဲ့တာ။ လူတွေလည်း အများကြီးလို့ ထင်ခဲ့တာ။ ငါထင်သလို မဟုတ်ပါလား။ " လို့ မပြောကြတော့ဘူး။ ဂတိပေးထားတာထက် ပိုလုပ်ပြပါ။

ပိုပြောရင်တော့ ဆိုးကျိုးတွေပဲ ရလာတတ်ပါတယ်။           ။                                

Curtis Hutson, Biography (Burmese)

Curtis Hutson  ကားတစ် ဟတ်ဆန် 

1934 - 1995       ၁၉၃၄ - ၁၉၉၅

"လူအများက သခင်ယေရှု အသေခံဖို့ လိုတယ်၊ ဒါပေမယ့် မလုံလောက်ဘူးလို့ သွန်သင်ကြတယ်။ ဒါပေမယ့်  ကိုယ့်ကိုကိုယ် ကယ်နိုင်အောင် ကူညီဖို့ သခင်ယေရှု ကြွလာရတာမဟုတ်ဘူး။ အပြစ်သားတွေကို ကယ်ဖို့ လာရတာပါ။ စရံပေးတာ မဟုတ်ဘူး။ " ငါတော့ ပေးပြီးပြီဟေ့၊ မင်း ဆက်ပေးပေတော့" လို့ မပြောဘူး။ အကြေဆပ်ခဲ့တာပါ။ ကိုယ့်ကိုကိုယ် ကယ်တင်နိုင်မယ့် နည်းလမ်းကို မြင်အောင်ပြဖို့ ကြွလာခဲ့တာ မဟုတ်ဘူး။ ကယ်အောင်လာခဲ့တာ။ ကိုယ့်ကိုကိုယ် ကယ်ဖို့ မကြိုးစားနဲ့၊ လက်လွှတ်ထားလိုက်၊ မထိနဲ့။ ပေးတဲ့အတိုင်း လက်ခံလိုက်။ တန်ခိုးကြီးတဲ့ ဘုရားသခင်က လက်ဆောင်အဖြစ် ပေးနေတယ်။ ယူထားလိုက်ပါ။" 

၁၉၆၁ ခုနှစ်မှာ စာပို့ ဝန်ထမ်းဘဝနဲ့ အသင်းတော် သေးသေးကလေးမှာ သင်းအုပ်ဆရာလုပ်ရင်း Sword of the Lord Conference ကိုတက်ရောကပြီး၊ စိတ်ထက်သန်လာတယ်။ အလုပ်ထွက်ပြီး ဝိညာဉ်ကယ်တင်ရေးတွေ လုက်ဆောင်ဖို့ စတင်ခဲ့တယ်။ သူ့ရဲ့ Forrest Hills Baptist Church of Decatur, Georgia ဟာ အသင်းသား ၄၀ ကနေ ရ,၉၀၀ အထိဖြစ်လာပါတယ်။ ၁၉၇၂ မှာတော့ အမေရိကန်ပြည်ရဲ့ Sunday school အမြန်ဆုံး တိုးပွါးနေတဲ့ အသင်းတော်အဖြစ် အသိအမှတ် ပြုခံရတယ်။ အဲဒီမှာ သင်းအုပ်အဖြစ်လုပ်ခဲ့တဲ့ နောက်ဆုံး ၄ နှစ်တာမှာတော့ Georgia ဂျော်ဂျီယာပြည်နယ်ရဲ့ အကြီးမားဆုံး Sunday school ဖြစ်လာတယ်။

သင်းအုပ်အဖြစ်နဲ့ ၂၁ နှစ် အကြာမှာ Dr. Hutson ဆိုတဲ့ တကယ် သက်သေခံတဲ့ the great soul winner ဟာ တတိုင်းပြည်လုံးအတွက် လုပ်ဆောင်ချင်လာတဲ့အခါ ဧဝံဂေလိလုက်ငန်းမှာ အချိန်ပြည့် ပါဝင်လာတယ်။ အမေရိကန်ပြည်ရဲ့ အသင်းတော်ကြီးတချို့မှာ မြို့တွင်း၊ ဒေသတွင်း နိုးထမှုဖြစ်အောင် ပူးပေါင်းလုပ်ဆောင်ခဲ့တယ်။ ဝတ်ပြုစည်းဝေးတခုထဲမှာ လူ ၆၂၅ ယောက် ခရစ်တော်ကို အားကိုးခဲ့ကြတယ်။ ဂ ရက်ကြာ စည်းဝေးတခုမှာတော့ ၁,၅၀၂ ယောက် ကယ်တင်ခြင်းအတွက် ဆုံးဖြတ်ချက် ချကြတယ်။

Dr. John R. Rice က တောင်းဆိုတာကြောင့်  Dr. Hutson ဟာ ၁၉၇၈ မှာ THE SWORD OF THE LORD မဂ္ဂဇင်းရဲ့ တွဲဖက် အယ်ဒီတာ ဖြစ်လာတယ်။ ၁၉၈၀ ခု  Dr. Rice ကွယ်လွန်ချိန်အထိ အားထုတ် လုပ်ဆောင်ခဲ့တယ်။ Dr. Rice သေချိန်မှာ   Dr. Hutson ဟာ the Sword of the Lord Foundation ရဲ့ ဥက္ကဌ Sword of the Lord Conferences ရဲ့ ဒါရိုက်တာ ဖြစ်လာတယ်။. Dr. Hutson ဟာ the Sword ministries ရဲ့ ဦးဆောင်သူအဖြစ်နဲ့ပဲ ၁၉၉၅၊ မတ်လမှာ ကွယ်လွန်တယ်။ တရားဟောဆရာတွေ၊ အသင်းသားတွေ ထောင်ချီပြီး ပြောင်းလဲသလို၊ ခရစ်တော်ထံ ထောင်ပေါင်းများစွာ ရရှိ ပြောင်းလဲကြတယ်။

အယ်ဒီတာအနေနဲ့ Dr. Hutson ဟာ အပေးအယူ မလုပ်တဲ့လမ်းကို ရဲရဲကြီး လျှောက်ခဲ့သူပါ။ liberals and modernists လစ်ဘရယ်နဲ့ မော်ဒန်းနစ်တွေကို ဆန့်ကျင်ပြီး fundamentalists ဖန်ဒါမင်တာလစ် ( မူရင်းတရားမြတ်နိုးသူ)တွေအတွက် ထိရောက်အောင် အမှားကင်းကင်းနဲ့ ရှင်းရှင်းလင်းလင်း ဟောပြောခဲ့တယ်။

ဖန်ဒါမင်တာလစ် တယောက်အနေနဲ့ သမ္မာကျမ်းစာကို မူရင်းမှာ မှုတ်သွင်းရေးသားထားခြင်း၊ အပျိုကညာမှ ဖွါးမြင်ခြင်းနဲ့ ခရစ်တော်ရဲ့ ဘုရားဇာတိ၊ အပြစ်အတွက် ကိုယ်စားအသေခံပေးခြင်း၊ ခန္ဓာနဲ့ တကွ ရှင်ပြန်ထမြောက်ခြင်း၊ ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းရခြင်း၊ ခရစ်တော် ဒုတိယအကြိမ် ကိုယ်ခန္ဓာနဲ့တကွ ကြွလာခြင်း စတဲ့ အဓိက ယုံကြည်ခြင်းတရားတွေကို ကိုင်စွဲခဲ့တယ်။ သီးခြားရပ်တည်ခြင်းကို ဒေသနာရော၊ လူကိုယ်တိုင်ပါ ကျင့်သုံးတယ်။

Sword Conference ရဲ့ ဒါရိုက်တာအဖြစ်နဲ့လည်း အောင်မြင်တဲ့ သင်းအုပ်ဆရာ အများအပြားကို Sword Conference ရဲ့ အကျိုးဆက်အဖြစ် မြင်တွေ့ရတယ်။

Dr. Hutson မှာ ဆွဲဆောင်မှုရှိတဲ့ တရားဟောဟန် ရှိတယ်။ ပုံဥပမာပေးရာမှာ တော်ပြီး၊ ဟာသညဏ်ကောင်းတယ်။ ကယ်တင်ခြင်းကို ရှင်းရှင်းလင်းလင်း အဟောကောင်းတာကြောင့် ဧဝံဂေလိဆရာအဖြစ်၊ စည်းဝေကြီး တရားဟောဆရာအဖြစ် အတော် ဖိတ်ကြားခံရတယ်။ အပြစ်သားတွေကို ဆွဲဆောင်ရာမှာ တော်ပြီး၊ ပိုက်ဆွဲကျွမ်းတဲ့ ဆရာလည်း ဖြစ်တယ်။ စည်းဝေတိုင်းမှာ လူ ဆယ်ဂဏန်းနဲ့ချီပြီး ခရစ်တော်ထံ ချဉ်းကပ်ကြတယ်။ သူ့တရားက ခရစ်ယာန်တွေကို ကယ်တင်ခြင်းအကြောင်းပြောဖို့ နိုးဆော်တယ်။ သူသေခါနီးအထိ ကယ်တင်ခြင်းအကြောင်းကို အားနည်းလွန်းလို့ မထိုင်နိုင်၊ စကားမပြောနိုင်ချိန်မှာပင် လေသံလေးနဲ့ တိုးတိုးလေး ကြိုးစားပြောခဲ့တယ်။

Dr. Hutson ဟာ စာအုပ်ကောင်း၊ စာအုပ်ကလေး အတော်များများကို ရေးခဲ့တယ်။ ကျယ်ကျယ်ပြန့်ပြန့် ပုံနှိပ်ရသလို၊ နိုင်ငံခြားဘာသာစကားတွေနဲ့လည်း ဘာသာပြန်ခဲ့ရတယ်။ 

Dr. Hutson မှာ ဇနီး Gerri နဲ့ သားသမီး ၄ ယောက်ကျန်ရစ်တယ်။ သမီး ၃ ယောက်၊ သားတယောက်၊ မြေးက ၁၄ ယောက်ပါ။ သမီး ၃ ယောက်လုံးက တရားဟောဆရာတွေနဲ့ အိမ်ထောင်ကျကြတယ်။ သားကတော့  the Middle Tennessee Baptist Church in Murfreesboro, Tennessee ရဲ့ သင်းအုပ်ဆရာ Dr. Tony Hutson ပါ။     ။

Hyles, 6, DANIEL'S SPIRIT

 DANIEL'S SPIRIT

ဒံယေလရဲ့ ဝိညာဉ်စိတ်အားကြီးခြင်း

by Pastor Jack Hyles

(Chapter 6 from Dr. Hyle's excellent book, Blue Denim and Lace)

---

" ဒံယေလသည် - - -  - ထူးဆန်းသော ဉာဏ်နှင့်ပြည့်စုံ၍    မြို့ဝန်တကာ၊ ဝန်ကြီးတကာတို့ထက် လွန်ကဲသောကြောင့် နိုင်ငံတော် တနိုင်ငံလုံးကို သူ၌အပ်နှင်းမည်ဟု ရှင်ဘုရင်သည် အကြံရှိတော်မူ၏။ " (ဒံယေလ ၆: ၃ )

ဒံယေလအတွက် ကိုယ်ခန္ဓာ physical ထက် ဝိညာဉ်ရေး spiritual က ပို အရေးကြီးတယ်။ မမြင်ရတာတွေက မြင်ရတာတွေထက် အရေးကြီးပါတယ်။

သခင်ယေရှုက နောက်ဆုံးသောကာလအကြောင်း ပြောတဲ့အခါ လူတွေဟာ ရောင်းဝယ်၊ သောက်စား၊ အိမ်ထောင်ပြုတာတွေလုပ်နေမယ်လို့ ဆိုတယ်။ ရောင်းတာ၊ ဝယ်တာ၊ စားတာ၊ သောက်တာ၊ အိမ်ထောင်ပြုတာတွေဟာ အပြစ်တော့ မဟုတ်ဘူး။ ဒါတွေကို အဓိက မထားဖို့ပဲ လိုတယ်။

 ဒံယေလက ဝိညာဉ်ရေးကို ဦးစားပေးတယ်။ အစားအသောက်က ဒုတိယပါ။ ဒါဟာ အိပ်မက်အနက်ဖွင့်တာကို သူတပါးမလုပ်နိုင်ပဲ ဒံယေလလုပ်နိုင်ရခြင်းရဲ့ အဓိကအချက်ပဲ။ ခရစ်ယာန်တယောက်အနေနဲ့ မျက်မြင်ရအရာတွေကို အချိန်အများကြီးပေးပြီး၊ မျက်မြင်မရ အရာတွေအတွက် အချိန်နဲနဲပဲပေးတာ ဝမ်းနည်းစရာပါ။ ဒံယေလအတွက် ခန္ဓာက ဝိညာဉ်ကို မလွှမ်းမိုးဘူး။ ဝိညာဉ်က ခန္ဓာကို လွှမ်းမိုးထားတယ်။ အစားအသောက်စားပြီး ဘုရားသခင်ကို မပြစ်မှားဘူး။ ဘဝကို လေးလေးနက်နက် စဉ်းစားဆင်ခြင်တာ တွေ့ရတယ်။ တာဝန်သိတယ်။ အလိုတော် သိတယ်။ ဒီအချက်တွေနဲ့ အသက်ရှင်တယ်။

ဒံယေလလို ဝိညာဉ်ရေးကို အဓိကထားကြပါစို့။ အသက်ရှင်နေရခြင်းရဲ့ အဓိက အကြောင်းရင်းကို ရှာကြစို့။  အဓိကအချက်နဲ့ လွဲစေမယ့်အရာတွေကို ဘာမှ မလုပ်ပါနဲ့။ ဒီလိုလုပ်ဖို့ရာ ဝိညာဉ်စိတ်အားကြီးဖို့ လိုပါတယ်။

Hyles, 5, JONATHAN AND DAVID

JONATHAN AND DAVID

ဒါဝိဒ်နဲ့ ယောနသန်

Dr. Jack Hyles

(Chapter 5 from Dr. Hyle's excellent book, Blue Denim and Lace)

ယောနသံနဲ့ ဒါဝိတ်တို့ ခင်မင်မှုဟာ သမ္မာကျမ်းစာထဲမှာ အလှဆုံးအရာတွေထဲက တခုဖြစ်တယ်။

၁။ " ရှောလု၏သား ယောနသန် စိတ်နှလုံးသည် ဒါဝိဒ်စိတ်နှလုံးနှင့် စွဲကပ်လျှက်ရှိ၍ ဒါဝိဒ််ကို ကိုယ်နှင့်အမျှ ချစ်လေ၏။ "  ၁ရာ ၁၈: ၁ ။ သူက စွဲလန်းတာမဟုတ်ဘူး။ သူ့စိတ်က စွဲကပ်နေတယ်။ စစ်မှန်တဲ့ မိတ်ဆွေဆိုတာ ဘုရားပေးတာပါ။ ဒါဝိဒ်ကို အဲဒီလိုမိတ်ဆွေတယောက် ဘုရားသခင် ပေးတာပါ။ ကိုယ့်စိတ်စွဲလန်းရာ မိတ်ဆွေကို သိရတာ ပျော်စရာကောင်းပါတယ်။

၂။ အငယ် ၁ နဲ့ ၃ မှာ " ကိုယ်နှင့်အမျှ " လို့ ပြောပါတယ်။ ကိုယ့်စိတ်ဝိညာဉ်ကို ချစ်သလို ချစ်တာပါ။ နှစ်ကိုယ့် တစိတ် " One soul in two bodies " ပါပဲ။ ကိုယ့်ရဲ့ ကိုယ်ပွါး " another self "ပါပဲ။ သူ့အရေးဟာ ကိုယ့်အရေးပါပဲ။

၃။  ယောနသန်က ဒါဝိဒ််ကို နိုင်ငံတော်ပေးချင်ခဲ့တာပါ။ (၁ရာ ၁၈: ၄ ) ယောနသန်က ရှောလုရဲကသား၊ ရှောလုက ဘုရင်၊ ယောနသန်က ထီးနန်းအတွက် အမွေခံ။ ဒါပေမယ့် ကိုယ်မိတ်ဆွေကိုသာ ပေးလိုက်ချင်တာပါ။ အချစ်စစ်ဆိုတာ ပေးပဲ ပေးချင်နေတာပါ။ ပေးလို့ကို မဝတာပါ။ အကုန်ပေးရမှ ကြေနပ်တာပါ။

၄။ မိတ်ဆွေဆိုတာ လုပ်ယူဖိုပ မလိုဘူး။ "ယောနသန်" ဆိုတာ "ဘုရားသခင်ပေးတာ" "God has given" or "given by God" လို့ ဆိုလိုတယ်။ ကယ်တင်ခြင်းပြီးရင်တော့ ဘုရားပေးတဲ့ ဆုကျေးဇူးတွေထဲမှာ မိတ်ဆွေဟာ အကြီးမားဆုံး လက်ဆောင်ပါ။

၅။ မိတ်ဆွေဟာ သွေးသားတော်စပ်တာထက် ပိုနီးကပ်တယ်။ (၁ရာ ၁၉: ၂) သုတ္တံ ၁၈: ၂၄ မှာ မိတ်ဆွေဟာ ညီအကိုထက် သာ၍စွဲကပ်တယ်လို့ ဆိုတယ်။ ယောဟန် ၁၅: ၁၃ မှာ မိတ်ဆွေအတွက် အသက်စွန့်တဲ့ မေတ္တာထက် မြတ်တာမရှိဘူးလို့ တွေ့ရတယ်။ သခင်ယေရှုကို ချစ်တဲ့မေတ္တာ၊ ခရစ်ယာန် အချင်းချင်း ချစ်တဲ့မေတ္တာဟာ သွေးသားတော်စပ်မှုထက် မကပါဘူး။

၆။ တယောက်အတွက် တယောက် အသက်စွန့်ရုံမျှမက သားစဉ်မြေးဆက် စောင့်ရှေက်ကြဖို့ သစ္စာ ပြုကြတယ်။ သူတို့လို မိတ်ဆွေအတွက် အသက်ပေးရဲသလား။ အသက်ပေးရဲလောက်အောင် ချစ်တတ်သူတွေဟာ မင်္ဂလာရှိပါတယ်။

၇။ ယောနသန်က နောက်လိုက်ပဲ ဖြစ်ချင်တာပါ။ (၁ရာ ၂၃: ၁၇) မိတ်ဆွေစစ်ဟာ ဒုတိယပဲ ဖြစ်ချင်တာပါ။ ကိုယ်ထက် သူတပါးကိုသာ ချီးမြှောက်ချင်တယ်။ နောက်ကပဲ အားပေးချင်တယ်။ ချစ်နေရရင် ပြီးပြီ။ အချစ်ခံချင်နေတာ မဟုတ်ဘူး။ ကူညီချင်တာ၊ ကူညီစေချင်နေတာ မဟုတ်ဘူး။ မိတ်ဆွေ ကောင်းစားရင် ဝမ်းသာနေတယ်။

၈။  ယောနသန်က ဒါဝိဒ်ကိုတွေ့တိုင်း သူ့မေတ္တာကို ပြပုံရတယ်။ မေတ္တာစစ်ကို ယုံကြည်စိတ်ချဖို့ လိုတယ်မဟုတ်လား။ လူဆိုတာ အထပ်ထပ် ပြောမှ ယုံတာပါ။

၉။ ယောနသန်မှာ မိတ်ဆွေဆိုလို့ ဒါဝိဒ်တယောက်ပဲ ရှိပုံရတယ်။ နက်ရှိုင်းတဲ့ မေတ္တာကို လျှော့မတွက်သင့်ဘူး။ ဘုရားအလိုတော်နဲ့အညီ သတိထားရွေးရတာမျိုးပါ။

၁၀။ ယောနသန်က ဒါဝိဒ် စိတ်တိုင်းကျ လုပ်ပေးတယ်။ (၁ရာ ၂၀: ၄) မိတ်ဆွေရဲ့ တောင့်တခြင်းဟာ ဘုရင့်အမိန့်တော်လိုပါပဲ။ The desire of a friend is a Royal Command!

၁၁။ ကိုယ်ခန္ဓာအားဖြင့် ဝေးကွာပေမယ့် မိတ်ဆွေဟာ စိတ်အားဖြင့် မကွာဘူး။ ယောနသန်နဲ့ ဒါဝိဒ်ဟာ အတူမနေရပေမယ့် စိတ်က မကွာဘူး။ ဖိလိပ္ပိ ၁: ရ၊ ၈ မှာ ရှင်ပေါလုက သူ့စိတ်ထဲမှာ ဖိလိပ္ပိမြို့သားတွေ ရှိနေတယ်။ လွမ်းနေတယ်လို့ ဆိုတယ်။ ဘယ်အရာကမှ မကွဲကွာစေနိုင်တဲ့ ချစ်ခြင်းမျိုးပါပဲ။

၁၂။ ယောနသန်သေပြီးနောက် ဒါဝိဒ်မှာ ဘာတွေ ဖြစ်လာသလဲဆိုတာ စိတ်ဝင်စားစရာပါ။ ယောနသန်သေပြီး မကြာပါဘူး၊ ဗာသရှေဘနဲ့ မှားတယ်။ မွေးလာတဲ့ သားကလေး သေရတယ်။ သားတယောက်က နှမကို ပြစ်မှားတယ်။ သားတယောက်က တခြားတယောက်ကို သတ်တယ်။ သတ်တဲ့သားက အဖေကို ပုန်ကန်တယ်။ ထီးနန်းလုတယ်။ တိုက်ပွဲမှာ အဖေ့ရဲ့ တပ်က သတ်ပစ်ခဲ့တယ်။ ဒါမျိုးတွေ ယောနသန်ရှိတုန်းက ဒါဝိဒ်မှာ မဖြစ်ဘူး။ မိတ်ဆွေက ထိန်းပေးခဲ့တာ မဖြစ်နိုင်ဘူးလား။ မိတ်ဆွေကောင်းရှိရင် ခရစ်ယာန်တယောက် ပိုကောင်းလာနိုင်တယ်။ 

၁၃။ ယောနသန်ရဲ့ နက်ရှိုင်းတဲ့ မေတ္တာကို ဒါဝိဒ် နားလည်ခဲ့ဟန် မတူဘူး။ ချစ်ခြင်းမေတ္တာဟာ တခါတလေမှာ တဖက်သတ် ဖြစ်နေတတ်တယ်။ ဒါဝိဒ်ဟာ ယောနသန်ကို မေတ္တာ ပြခွင့်မရခဲ့ဘူး။ ဒါပေမယ့် ယောနသန်ရဲ့ မေတ္တာဟာ မိန်းမကို စွဲလန်းတာထက် ပိုတယ်လို့ သူက ဆိုတယ်။ ဒီလိုမိတ်ဆွေမျိုး လိုလို့ ဘုရားသခင်ပေးခဲ့တယ်။

၁၄။ ယောနသန်သေပေမယ့် ဒါဝိဒ်ရဲ့ မေတ္တာက ဆက်ရှိနေတယ်။ ၂ရာ ၉: ၁ မှာ ယောနသန်ရဲ့ သားတယောက်ကို ဒါဝိဒ်က ချီးမြှောက်တယ်။ ခြေမသန်စွမ်းတဲ့ မေဖိဗောရှက်ကို  နန်းတော်မှာ နေရာပေးခဲ့တယ်။ ဒီထက်စောစော ကျေးဇူးပြုနိုင်သားနဲ့ လို့ တချို့က ဆိုတယ်။ မေတ္တာပြဖို့ နောက်ကျနေတာ ဖြစ်နိုင်တယ်။ ဒါမျိုးက ဖြစ်တတ်တယ်။ မိတ်ဆွေကို ကျေးဇူးပြုဖို့ ကြိုစဉ်းစားပြီး၊ ဖွင့်ပြောပြသင့်တယ်။ အသိပေးသင့်၊ ဝေမျှသင့်တယ်။ မိဘသေပြီးနောက် သားသမီးကို ကြည့်ရှုစောင်မတာ ကောင်းပါတယ်။ မသေခင်ဆို ပိုကောင်းတာပေါ့။  မိဘနဲ့ သားသမီး၊ လင်နဲ့မယား၊ မောင်နှမ စတဲ့   ချစ်ခြင်းတွေထက် ယောနသန်နဲ့ ဒါဝိဒ်ရဲ့ ချစ်ခြင်းကတော့ ဘုရားသခင်ပေးတာပါ၊ ထာဝရတည်ပါတယ်။

Hyles, 4, Sacred Things

SACRED THINGS

သန့်ရှင်းသောအရာများ

by Pastor Jack Hyles

(Chapter 4 from Dr. Hyle's excellent book, Blue Denim and Lace)

---

ဂျူးလူမျိုးတွေမှာ သန့်ရှင်းတဲ့နေ့တွေ၊ ကာလတွေ၊ ပွဲနေ့တွေ ရှိတယ်။ ကောလောသဲ ၂: ၁၄-၁၇ မှာတော့ ဒါတွေအားလုံး ကားတိုင်မှာ ရိုက်ထားလိုက်ပြီ။ " ထို့ကြောင့် စားသောက်ခြင်းအမှု၊ ပွဲနေ့၊ လဆန်းနေ့၊ ဥပုဒ်နေ့တို့ကို စောင့်ခြင်းအမှုတွင် သင်တို့ကို အဘယ်သူမျှ မစစ်ကြော မစီရင်စေနှင့်။ ထိုအရာတို့သည် နောက်ဖြစ်လတံ့သောအရာတို့၏ အရိပ်ဖြစ်ကြ၏။ "

ရှင်ပေါလုက ဂလာတိလူတွေကို ပညတ်တရား legalism သမား တွေ ဖြစ်မှာစိုးတယ်။ ခရစ်တော်၌ဆိုရင် နေ့တိုင်းဟာ ဥပုဒ်၊ နေ့တိုင်း သန့်ရှင်းတယ်လို့ ပြောရတယ်။

ဂျူးလူမျိုးတွေမှာ သန့်ရှင်းတဲ့နေရာ အရပ်တွေလည်းရှိတယ်။ အသန့်ရှင်းဆုံးအရပ်ဆိုတာလည်း ရှိတယ်။ ယာကုပ်ရေတွင်းမှာတွေ့တဲ့ အမျိုးသမီးကို ပြောရာမှာ " ဘုရားသခင်ကို ကိုးကွယ်သော သူတို့သည် နံဝိညာဉ်နှင့်၄င်း၊ သစ္စာနှင့်၄င်း ကိုးကွယ်ရမည် " ( ယော ၄:၂၃ ) အဲဒီတော့ သန့်ရှင်းရာ အရပ်ဆိုတာ မရှိတော့ဘူး။ သန့်ရှင်းတဲ့ တော်စပ်မှု sacred relationships တွေပဲ ရှိတော့တယ်။

သန့်ရှင်းရာ အရပ်ဆိုတာ မရှိတော့ဘူး။ ကိုယ် နှစ်သက်တဲ့အရပ်ပဲရှိတယ်။ သန့်ရှင်းရာ နေ့ရက််ဆိုတာ မရှိတော့ဘူး။ ကိုယ်နှစ်သက်တဲ့ နေ့စွဲတွေပဲရှိတယ်။ ဒီလိုဖြစ်စေတာက တော်စပ်၊ ပတ်သက်မှုကြောင့်ပဲ။

၁။ နောင်မှာ ဘယ်လို ခံစားရမလဲ စဉ်းစားကြည့်ပါ။ နောင်မှာ အဖိုးတန်မယ်ဆိုရင် အခုလည်း တန်ဖိုးထားပါ။ လူ့သဘာဝမှာ ဆိုးတာက သေမှ၊ လွန်မှ တန်ဖိုးထား၊ တမ်းတတတ်ကြတာပဲ။ အတူနေတုန်းမှာ တန်ဖိုးထားတတ်ပါ။

၂။ အခု အသုံးဝင်တာတွေဟာ နောင်မှာ ဘာမှ အသုံးမရ ဖြစ်တတ်တယ်။ Everything is temporary. ဘာမှ မမြဲဘူး။ အဲဒီတော့ အသုံးဝင်တာလည်း အသုံးမဝင်သလို၊ နောင် အသုံးမဝင်မယ့် အရာလည်း အခု အသုံးမဝင်လို သဘောထားဖို့ပါပဲ။ အဖြစ်အပျက်ကလေးတခုကို ပြန်တမ်းတရတာက နေရာတွေ၊ အချိန်တွေကြောင့် မဟုတ်ပဲ၊ ပါဝင်ခဲ့တဲ့ လူကြောင့်သာ ဖြစ်တယ်။

၃။ တနေရာမှာ အတူနေပါ။ အတူနေတာ ပျော်စရာ ကောင်းတယ်။ ရင်းနှီးလာမယ်။ အတူစား၊ အတူသွား၊ အတူဆုတောင်းသူတွေရှိတယ်။ စားနေကြ နေရာ၊ စားနေကြ အချိန်ဆို ပို စိတ်စွဲလာတတ်တယ်။ Man is a creature of habits. လူမှာ အကျင့်ပဲ။ ကောင်းတဲ့ အလေ့အထကလေးတွေကိုတော့ နောင်အမှတ်ရစရာ အဖြစ်သာမက အခုကတည်းက တန်ဖိုးထားတတ်ဖို့ လိုတယ်။

၄။ လက်ရှိ ခင်မင်မှုကို တိုင်းတာပါ။ ဆိုးတာတခုက မတိုင်းတာခင် အပျက် စောင့်တတ်ကြတာပဲ။ ကောင်းတုန်း တိုင်းတာပါ။ မှားမှ၊ လွဲမှ နှမြောဖို့ စောင့်မနေပါနဲ့။ သေခြင်းက သန့်ရှင်းစေတာ မဟုတ်ဘူး။ ရှင်ခြင်းကသာ သန့်ရှင်းစေတာပါ။ ကောင်းတာလေးတွေက သန့်ရှင်းစေတာပါ။ ကိုယ့်အလုပ်ရှင်က သဘောကောင်းရင် အခု သိပါ။ သူမရှိတော့တဲ့ အထိ စောင့်မနေနဲ့။  အိမ်ထောင်ဖက်ကောင်းရင်လည်း အခု သိတော့။ သေမှ သိဖို့ စောင့်မနေနဲ့။

၅။ ပေးသင့်တဲ့ လက်ဆောင်ကို ပေးပါ။ လက်ဆောင်ဟာ အဆောင်တမျိုး Shrine ပဲ။ ချစ်ခင်သူကို ပို သတိရစေသလို၊ ဆုတောင်းပေးဖို့လည်း သတိရစေတယ်။

၆။ အချိန်သတ်မှတ်ထားရင် သန့်ရှင်းတဲ့ အချိန်တွေ ဖြစ်လာတတ်တယ်။ အချိန်မှန်မှန် ပေးတတ်သူမှာ  သတိရစရာတွေ ဖြစ်လာမယ်။

၇။ သွားနေကြ လမ်းကြောင်းဟာ သန့်ရှင်းတဲ့နေရာ ဖြစ်လာစေတယ်။ ကျောင်းသွားနေကြလမ်း၊ အလုပ်သွားနေကြလမ်းတွေဟာ စိတ်စွဲစရာ ဖြစ်လာတတ်တယ်။

၈။ ရင်းရင်းနှီးနှီး နေပါ။  ငယ်ငယ်က စာအုပ်တအုပ် ဖတ်ဖူးတယ်။ အသေးစိတ်တော့ မမှတ်မိတော့ဘူး။ အဲဒီစာအုပ်ဖတ် မိတော့ ပေါင်းဖေါ် မိတ်ဆွေဖွဲ့ရမှာ မကြောက်တော့ဘူး။ စိတ်အားမငယ်တော့ဘူး။ မိတ်ဆွေတွေဟာ သီးသန့် တန်ဖိုးထားစရာ သန့်ရှင်းရာတွေ ဖြစ်လာတယ်။

သန့်ရှင်းရာ အရပ်ဆိုတာ မရှိတော့ဘူး။ သန့်ရှင်းရာ နေ့ရက််ဆိုတာ မရှိတော့ဘူး။ ပတ်သက်မှုကြောင့်သာ ဖြစ်ရတော့တယ်။ အဖိုးတန် လေးနက်တဲ့ တော်စပ်မှုတွေ ဖြစ်လာနိုင်တယ်။ လက်ဆောင်တွေကလည်း အဆောင် Shrine တွေ ဖြစ်လာနိုင်တယ်။ နေရာတိုင်းဟာ သန့်ရှင်းတဲ့ ဘုရားကျောင်း၊ အချိန်တိုင်းဟာ သန့်ရှင်းတဲ့ ဥပုဒ်နေ့ ဖြစ်လာနိုင်ပြီ။