How Does God Keeps His Promises? (Burmese)

ဘုရားသခင် ဂတိတည်တော်မူပုံ
How Does God Keep His promises?
By Kurt De Haan

Former Managing Editor of “OUR DAILY BREAD”

ဂတိတော်တွေကို ဘာကြောင့် သံသယဖြစ်ကြရသလဲ?
၁။ လွဲမှားတဲ့ မြော်လင့်ချက်တွေကြောင့် Faulty Expectations
ကိုယ်ထင်တဲ့နည်းအတိုင်း ဘုရားသခင် လုပ်ပေးမယ်လို့ မြော်လင့်နေတာဟာ မှားပါတယ်။ ကိုယ့်အထဲက အရင်ပြောင်းလဲမှ ပြင်ပအခြေအနေတွေ ပြောင်းလဲမှာကို သတိရပါ။ လူ့အမြင်က တိမ်ပါတယ်။ ဘုရားသခင်က အဝေးကို လှမ်းမြင်နေပါတယ်။ လူက အပေါ်ယံ၊ လက်ရှိအခြေအနေကို ဘဲ မြင်ပါ တယ်။ ပြဿနာရဲ့ နောက်ကွယ်မှာ ဘုရားသခင် ဘယ်လိုအလုပ်လုပ်နေတယ်ဆိုတာ မသိတတ်ပါဘူး။

၂။ အလွဲအနက်ယူ၊ လိုရာဆွဲသုံးမှုတွေကြောင့် Faulty Interpretation and Applications
ကျမ်းစာကို ကိုယ်လိုတဲ့ တပိုင်းလောက်ပဲ ကောက်ယူတာမျိုး မလုပ်ရပါဘူး။ ကျမ်းစာထဲက ဂတိတော် ရှိသမျှဟာ ကိုယ့်အတွက်လို့ပဲ မမှတ်ရပါဘူး။ သီးသန့် တဦးတယောက်၊ လူမျိုးတမျိုး (သို့) ခေတ်တခေတ် ထဲက လူတွေကို ပြောထားတာလည်း ဖြစ်တတ်ပါတယ်။

၃။ လွဲမှားတဲ့ ခံစားချက်တွေကြောင့် Faulty Feelings
ကိုယ်ဒုက္ခရောက်ရင် လူက ဘုရားကို အပြစ်တင်ချင်တယ်။ ကိုယ့်ခံစားချက်က ကိုယ့်ကို နားလည်မှု လွဲမှားစေတာပါ။

၄။ လွဲမှားစွာ အမှတ်ရနေတာတွေကြောင့် Faulty Memory
လူမှာ တနေ့တာမှတ်စရာ အသေးအမွှါးတွေက များလွန်းတော့ အရင်က ကိုယ့်အပေါ် ဘုရားသခင် ကူမတာတွေ၊ သစ္စာစောင့်တာတွေ မေ့နေတတ်တယ်။ အဲဒီတော့
နောင်မှာလည်း ဘုရားသခင် သစ္စာရှိနေမှာကို ခွန်အားမယူတတ်တော့ပါ။
ဂတိတော်တွေကို ဘယ်လိုစောင့်ထိန်းတော်မူသလဲ? How Does God Keep His promises?
လူပေးတဲ့ဂတိတွေဟာ ပျက်တတ်ပေမယ့် ဘုရားက သူ့ဂတိကို စောင့်ထိန်းပါတယ်။
စောင့်ထိန်းပုံကတော့ ……

၁။  သူ့ဘောင်အတွင်းမှာသာ  On His Terms
၂။ ရည်ရွယ်သူကို  To His intended Audience
၃။ ဘုရားနည်းလမ်းအတိုင်း   By His Methods
၄။ အချိန်ကျမှ   In His Time

၁။  သူ့ဘောင်အတွင်းမှာသာ  On His Terms
ကုန်ပစ္စည်းတခုရဲ့ အာမခံသက်တမ်းဟာ သူ့နှစ်အပိုင်းအခြားအတွင်းမှာသာ ဖြစ်ပါတယ်။ အဲဒီပစ္စည်းကို သုံးစွဲရာမှာလည်း သူ့လမ်းညွှန်ချက်အတိုင်းသာ သုံးရပါတယ်။ ဘုရားဂတိတော်တချို့က သူ့အချိန်ကာလ တခုအတွင်းမှာသာ ဖြစ်သလို၊ ကိုယ့်ဖက်က လိုက်နာရမယ့်အချက်တွေ ရှိတတ်ပါတယ်။ လိုက်နာဖို့ ပျက်ကွက်ရင် ဂတိတော်ကို မခံစားရပါဘူး။ တချို့ဂတိတော်တွေကတော့ အချိန်ကာလနဲ့ အရည်အချင်းတွေ မလိုပါဘူး။ ဆာလံ ၁၀၀ ကို ကြည့်ပါ။

“ထာဝရဘုရားသည် ဘုရားသခင်ဖြစ်တော်မူသည်ဟု သိမှတ်ကြလော့။ ထာဝရဘုရားသည် ငါတို့ကို ဖန်ဆင်းတော်မူ၍၊ ငါတို့၏အရှင် ဖြစ်တော်မူ၏။ ငါတို့သည်လည်း၊ ထာဝရဘုရား၏လူ ဖြစ်ကြ၏။ အထံတော်၌ ကျက်စားသော သိုးစုလည်းဖြစ်ကြ၏။- ကျေးဇူးတော်ကြီးပါသည်ဟု ဝန်ခံလျက်၊ တံခါးတော်တို့ကို၎င်း၊ ဂုဏ်တော်ကို ချီးမွမ်းလျက် တန်တိုင်းတော်တို့ကို၎င်း ဝင်ကြလော့။ ကျေးဇူးတော်ကို ချီးမွမ်း၍ နာမတော်ကို ကောင်းကြီးပေးကြလော့။ - အကြောင်းမူကား၊  ထာဝရဘုရား သည် ကောင်းမြတ်တော်မူ၏။ ကရုဏာတော်သည် အစဉ်အမြဲရှိ၍၊ သစ္စာတော်သည် ကာလအဆက်ဆက်တည်လေသတည်း။” (ဆာလံ ၁၀၀း ၃- ၅)

တချို့ ဂတိတော်တွေကတော့ အခုလို အမြဲမတည်ဘဲ၊ အရည်အချင်းတခုခု လိုနေတတ်ပါတယ်။
လိုတတ်တဲ့ အရည်အချင်းတွေက ….

 အာဒံနဲ့ ဧဝကို ဧဒင်ဥယျာဉ်မှာ စကားနားထောင်မှ အသက်ရှင်မယ်။ နားမထောင်တဲ့နေ့မှာ သေရမယ်လို့ ဂတိထားခဲ့ပါတယ်။ (ကမ္ဘာ ၂း ၁၆- ၁၇)

သိနာတောင်မှာ မောရှေနဲ့ ဣသရေလလူမျိုးကို ပညတ်တရားပေးရာမှာ လိုအပ်ချက်တွေ ထားတော်မူခဲ့ပါတယ်။ စကားနားထောင်မှ လူမျိုးတော်လို စောင့်ရှောက်မှာပါ။ (ထွက်မြောက်ရာ ၁၉း ၃- ၆) ပညတ်တော်ဆယ်ပါးမှာလည်း ရုပ်ထုကိုရှောင်မှ၊ ဘုရားမေတ္တာကို မြင်ရပါမယ်။ (ထွက်မြောက် ၂၀း ၄- ၆) ဘုရားနာမကို မရိုသေရင် အပြစ်လို့ မှတ်တော်မူပါတယ်။ (အငယ် ရ)။ မိဘကိုရိုသေရင်တော့ အသက်ရှည်ပြီး ကောင်းစားပါမယ်။ (အငယ် ၁၂) ။ ထွက်မြောက်ရာ ၂၃း ၂၀-၃၃ မှာ စကားနားထောင်ရင်- ရန်သူဘေး၊ အနာရောဂါဘေးတွေကနေ ကယ်တင်မယ်လို့ ဂတိထားပါတယ်။

ဓမ္မသစ်ကျမ်းထဲမှာ တွေရတဲ့ အရည်အချင်း လိုတဲ့ Conditional Promises တချို့ကတော့ …….
#ကောင်းကင်အရာတွေကို စိတ်စွဲလန်း ရှာဖွေရင်၊ လောကအရာ ထပ်ဖြည့်ပေးမယ်။ (မဿဲ ၆း ၂၅- ၃၄)

#ဘုရားသခင်ထံ ချဉ်းကပ်ပြီး၊ မာနတ်ကို ဆီးတားရင်- မာနတ်ထွက်ပြေးသွားလိမ့်မယ်။ (ယာကုပ် ၄း ရ)

#ရသမျှကို ကိုင်စွဲပြီးနေရင်၊ မရွေ့လျော့၊ မတိမ်းယိမ်းပဲ နေလိမ့်မယ်။ (၂ပေ ၁း ၃- ၁၁)။

#ဖေါ်ပြတောင်းပန်သမျှကို ခွင့်လွှတ်တော်မူမယ်။ (၁ယော ၁း ၉)။

#အလိုတော်နဲ့ညီတာတွေတောင်းရင် ရကြလိမ့်မယ်။ (၁ယော ၅း ၁၄- ၁၅)။

အရည်အချင်းမလိုတဲ့ ဂတိတော်တွေ  …..

လူဖက်က ဘာအရည်အချင်းမှ မလိုပဲ၊ တည်နေမယ့် ဘုရားဂတိတော်တွေလည်း ရှိပါတယ်။ အဲဒီ Unconditional Promises တချို့ကတော့ ..…

*နောက်တဖန် ကမ္ဘာကြီးတခုလုံးကို ရေမလွှမ်းတော့ဘူးလို့ နောဧကို မိန့်တော်မူပါတယ်။ (ကမ္ဘာ ၉း ၈-၁၇)

*အာဗြဟံကို သားတယောက်၊ လူမျိုးကြီးတမျိုးနဲ့ တိုင်းပြည်တပြည် ဂတိပေးထားပါတယ်။ (ကမ္ဘာ ၁၅)

*ဒါဝိဒ်ရဲ့ သားမြေးတွေ အစဉ်အဆက် နန်းထိုင်ရမယ်။ (၂ရာ ရး ၁၆)

*ဣသရေလနိုင်ငံကို ပြန်တည်ထောင်ပေးတော်မူမယ်။ (ယေရမိ ၃၀- ၃၃)။

*သခင်ယေရှုဟာ ကောင်းသူတွေကို ဆုပေးပြီး၊ ဆိုးယုတ်သူတွေကို ဒဏ်ပေးဖို့ တခါပြန်ကြွလာမယ်။ (မဿဲ ၁၆း ၂၇။ ၂၅း ၃၁-  ၄၆)။

*မာနတ်က အသင်းတော်ကို မနိုင်ရဘူး။ (မဿဲ ၁၆း ၁၈)။

*သခင်ယေရှုကို ယုံကြည်သူတိုင်း အကယ်ခံရပြီး၊ ထာဝရအသက်ရတယ်။ (ယော ၆း ၃၅- ၄၀)။

ဂတိတော်တွေဟာ တဝက်တပျက်ပဲ ပြည့်စုံတယ်လို့ ရှိတတ်သလား?

ရှိတတ်ပါတယ်။ လူ့ဖက်က လိုအပ်ချက် မပြည့်စုံတဲ့အခါ ဖြစ်တတ်ပါတယ်။ ဣသရေလလူမျိုးတွေ ခါနန်ပြည်ဝင်တော့ ခါနန်လူမျိုးတွေကို တဝက်တပျက်ပဲ နှင်ထုတ်တော့၊ ပြည်တော်ကိုလည်း တဝက်တပျက် ပဲ အမွေခံရပါတယ်။ ကယ်တင်ရှင်ကြွလာမယ်ဆိုတဲ့ ဓမ္မဟောင်းဂတိတော်တွေဟာလည်း သခင်ယေရှု ပထမအကြိမ် ကြွလာတော့ တဝက်ပဲ ပြည့်စုံပြီး၊ တချို့ ဂတိတော်တွေက နောက်တခါ ကြွလာမှ

 ပြည့်စုံမှာပါ။ ပထမအကြိမ် ကြွလာတော့ ဝေဒနာခံတဲ့ အစေခံကျွန်လိုလာပြီး၊ နောက်တခါမှာတော့ ဘုရင်လို လာမှာ ဖြစ်ပါတယ်။

သုတ္တံကျမ်းကို ဂတိတော်လို့ အနက်အဓိပ္ပါယ် ကောက်ယူနိုင်ပါသလား?

                      သုတ္တံကျမ်းရဲ့ ဂတိတော်တွေက ကျယ်ပြောတဲ့သဘောရှိပါတယ်။ ကောင်းမွန်စွာ အသက်ရှင်ရင် အကျိုးရမှာ ဖြစ်သလို၊ ဆိုးသွမ်းရင်တော့ ဒုက္ခတွေ့မှာ ဖြစ်ပါတယ်။ ဓမ္မဟောင်းကျမ်းရဲ့ ဘောင်အတွင်းနဲ့ ကျမ်းစာတအုပ်လုံးရဲ့ သွန်သင်ချက်ကို အလေးမထားပဲ အနက်ဖွင့်ရင် လွဲသွားနိုင်ပါတယ်။

                   သုတ္တံကျမ်းက လက်တွေ့ကျင့်ကြံဖို့ ပညာတရားကို သင်ပေးပါတယ်။ ဥပမာ။ အကြမ်းဖက်သမားဟာ ပြန်အကြမ်းဖက်ခံရပြီး သေသွားနိုင်ပါတယ်။ ဒါပေမယ့် တခါတရံမှာ ဘုရားသခင်ဟာ တချို့ကိစ္စတွေကို နောက်ဆုံးသောနေ့မှသာ စီရင်ဖို့လည်း သည်းခံနေနိုင်ပါတယ်။

                    ပညာတရားကို လိုက်လျှောက်ကျင့်သုံးရင်- ချမ်းသာမယ်၊ မဆင်းရဲ၊ မငတ်မွတ်ဘူးလို့ သွန်သင်ပါတယ်။ (သုတ္တံ ၁၀း ၃) ။ ဒါက စိုက်တဲ့အတိုင်း ရိတ်ရမယ်ဆိုတဲ့ General Principles ယေဘုယျသဘောနဲ့တော့ ကိုက်ပါတယ်။ (ဂလာတိ ၆း ရ)။ ဒါပေမယ့် လူ့ဘဝက အမြဲတမ်း တရားသေ ကြိုပြီးတွက်ဆလို့ မရတတ်ပါဘူး။ Life is not always so predictable. ဒါကို ယောဘ၊ ဒါဝိဒ်၊ ရှောလမုန်နဲ့ ရှင်ပေါလုတို့ရဲ့ အသက်တာမှာ တွေ့မြင်နိုင်ပါတယ်။ အတော်များများမှာ ဘုရားသခင်က အခုဘဝထက်၊ နောင်တမလွန်အကျိုးကို ပိုပေးချင်လေ့ ရှိတာ တွေ့ရပါတယ်။ ဒါကြောင့် သုတ္တံကျမ်းက လက်တွေ့ကျင့်သုံးဖို့ ပညာကိုသာ ပေးနေတာ ဖြစ်ပါတယ်။

                    စဉ်းစားစရာကတော့ ဘုရားက ဂတိတည်ပြီး၊ လူဖက်က အရည်အချင်း မပြည့်ဖြစ်တတ်တဲ့ အချက်ပါပဲ။

၂။ ရည်ရွယ်သူကို  To His intended Audience

                   ကျမ်းစာဖတ်ရင်းနဲ့ နို့နဲ့ပျားရည်စီးတဲ့ ခါနန်ပြည်အကြောင်းရောက်တဲ့အခါ စိတ်လှုပ်ရှားသွားနိုင်ပါတယ်။ ဘာမှ ပင်ပင်ပန်းပန်း မလုပ်ရဘဲ၊ အသီးအနှံတွေ ပေါများတဲ့ တိုင်းပြည်ပါ။ ဒါပေမယ့် အဲဒါ သင့်အတွက်မဟုတ်ပါဘူး။ အဲဒါက ဣသရေလလူမျိုး

တွေကို တချိန်က ပေးခဲ့တဲ့ ဂတိပါ။ ဒါကြောင့် တချို့ဂတိတော်တွေက ရည်ရွယ်သူတွေ

အတွက်သာ ဖြစ်ပါတယ်။ အားလုံးနဲ့ မဆိုင်ပါဘူး။ ဆာလံ ၁၄၅ ကိုရေးတဲ့ ဆာလံဆရာဟာ တချို့ဂတိတော်တွေဟာ အားလုံးနဲ့ သက်ဆိုင်ပြီး၊ တချို့ဂတိတော်တွေက လူတချို့အတွက်သာ ဖြစ်တာကို ရိပ်မိခဲ့ပါတယ်။

“ထာဝရဘုရားသည် ခပ်သိမ်းးသောသူတို့အား ကျေးဇူးပြုချင်သော သဘောရှိ၍၊ ဖန်ဆင်းတော်မူသမျှတို့ကို သနားစုံမက်တော်မူ၏။” (ဆာလံ ၁၄၅း ၉)

“လက်တော်ကို ဖွင့်၍၊ အသက်ရှင်သော သတ္တဝါအပေါင်းတို့ကို ရောင့်ရဲစေတော်မူ၏။”

(အငယ် ၁၆) “ထာဝရဘုရားသည် ပဌနာပြုသောသူအပေါင်း၊ သစ္စာနှင့်တကွ ပဌနာပြုသောသူအပေါင်းတို့၏ အနီးအပါး၌ ရှိတော်မူ၏။ - ကြောက်ရွံ့သောသူတို့၏ အလိုကိုပြည့်စုံစေတော်မူ၏။ ထိုသူတို့၏ အော်ဟစ်ခြင်းကို ကြား၍ ကယ်တင်တော်မူ၏။ ထာဝရဘုရားသည် ကြည်ညိုသောသူအပေါင်းတို့ကို စောင့်မတော်မူ၏။ မတရားသောသူအပေါင်းတို့ကိုကား၊ ဖျက်ဆီးတော်မူမည်။” (အငယ် ၁၈- ၂၀)

ဂတိတော်တခုကို မကိုင်စွဲခင်မှာ အဲဒီဂတိဟာ ကိုယ့်ကို ပြောသလား၊ မပြောဖူးလားဆိုတာ သိဖို့လိုအပ်ပါတယ်။ အားလုံးနဲ့ဆိုင်တဲ့ ဂတိတော်တွေ ရှိသလို၊ ယုံကြည်သူအတွက် အရည်အချင်းလိုတာနဲ့ အရည်အချင်း မလိုတဲ့ Conditional and Unconditional ဂတိတော်တွေ လည်း ရှိပါတယ်။ တချို့ဂတိတော်တွေကတော့ ဣသရေလလူမျိုးအတွက်သာ ဖြစ်တယ်။ ဒီ့အပြင် တချို့ဂတိတော်တွေက ခေတ်တခေတ်က လူတချို့အတွက်သာ ဖြစ်ပါတယ်။

တဦးတယောက်တည်းကို ပေးခဲ့တဲ့ဂတိတော်ကို ကိုယ့်အတွက် မူအဖြစ်သုံးလို့မရဘူးလား?

             တခါတလေ ရပါတယ်။ တခါတလေ မရပါဘူး။ ဂတိတော်က မပြောင်းလဲနိုင်တဲ့ ဘုရားဂုဏ်တော်နဲ့ ဆက်စပ်နေရင် ရပါတယ်။ (ယာကုပ် ၁း ၁၇) ဥပမာ၊ သခင်ဘုရားက ရှင်ပေါလုကို “ငါ့တန်ခိုးသည် အားနည်းခြင်းအဖြစ်၌ စုံလင်တတ်သည်” (၂ကော ၁၂း ရ-၁၀) ရှင်ပေါလုရဲ့ ကိုယ်မှာရှိတဲ့ ဆူးကို ရည်ရွယ်တာပါ။ ဒီအချက်က ကိုယ့်အားနည်းချက်ကို သိတဲ့သူတိုင်းအတွက် ဘုရားတန်ခိုးခံစားရဖို့ သက်ဆိုင်တဲ့ ကျမ်းချက်တချက်ပါ။ ဧဖက် ၁း ၁၉။

                  ဒါပေမယ့် ယောရှုကိုပေးတဲ့ “သင်တို့နင်းသမျှသော မြေကို သင်တို့အား ငါပေးမည်” ဆိုတဲ့ ဂတိကိုတော့ တခြားသူတွေ ဆွဲသုံးလို့ မရပါဘူး။ (ယောရှု ၁း ၃)

၃။ ဘုရားနည်းလမ်းအတိုင်း   By His Methods
ဟေရှာယ ၅၅ မှာ … “ငါ၏အကြံအစည်သည် သင်တို့၏အကြံအစည်နှင့် မတူ။

ငါ၏အကျင့်သည်လည်း သင်တို့၏ အကျင့်နှင့် မတူ။- မိုဃ်းကောင်းကင်သည် မြေကြီးထက်သာ၍ မြင့်သကဲ့သို့ ငါ၏အကျင့်သည် သင်တို့၏ အကျင့်ထက်၎င်း၊ ငါ၏အကြံအစည်သည် သင်တို့၏အကြံအစည်ထက်၎င်း သာ၍မြင့်၏။ ” (အငယ် ၈- ၉)

ဂတိတော်ကို ဘယ်လို မြင်သာတဲ့နည်းတွေနဲ့ ပြည့်စုံစေပါသလဲ?

                   ကျမ်းစာထဲက ဂတိတော်အများစုနဲ့ ကြိုတင်ဟောပြောချက်တွေက သခင်ယေရှု ကြွလာ ခဲ့တာနဲ့ကို ပြည့်စုံပြီးသွားပါပြီ။

နားလည်ရခက်ခဲတဲ့ နည်းတွေနဲ့ ဂတိတော်တွေ ပြည့်စုံစေတာ ရှိသလား?

                  ကယ်တင်ရှင်ကြွလာမယ်လို့တော့ မြော်လင့်သူတွေ အနည်းအကျဉ်း ရှိခဲ့ပါတယ်။ ဒါပေမယ့် ကယ်တင်ရှင် သခင်ယေရှုက ဂျူးလူမျိုးနဲ့ တပါးအမျိုးသားတွေကိုပါ တပြိုင်နက် ကယ်မယ်ဆိုတာတော့ လူတွေ သိပ်နားမလည်နိုင်ခဲ့ကြပါဘူး။

မမြော်လင့်တဲ့နည်းနဲ့ ဂတိတော်တွေ ပြည့်စုံတာ ရှိသလား?

                 တခါတရံလည်း နားလည်ရခက်တဲ့နည်းတွေနဲ့ ပြည့်စုံစေတတ်ပါတယ်။ ဖါရောဘုရင်ရဲ့ စစ်တပ်ကို ပျက်စီးစေပုံ (ထွက်မြောက်ရာ ၁၄)၊ ယေရခေါမြို့ရိုး ပြိုကျတာ (ယောရှု ၆)၊ အာရှုရိစစ်သား ၁၈၅,၀၀၀ ကို ထာဝရဘုရားရဲ့ ကောင်းကင်တမန်က ဒဏ်ခတ်တာ (၄ရာ ၁၉း ၃၅)၊ မြော်လင့်မထားတဲ့ ထူးထူးဆန်းဆန်းနည်းတွေပါ။

ဝိညာဉ်သဘောအရ ပြည့်စုံသွားတဲ့ ဂတိတော်တွေ ရှိသလား?

                တချို့က ဘုရားအလိုတော်အတိုင်းနေရင် မဆင်းရဲဘူး၊ မဖျားနာဘူး၊ ဒုက္ခမတွေ့ဘူးလို့ ထင်တတ်ပါတယ်။ ယောဘကို ကြည့်ပါ။ မကျန်းမာဘူး၊ ဆင်းရဲနေတယ်၊ ဒုက္ခတွေ့နေတယ်။

ဒါပေမယ့် ဝိညာဉ်ကောင်းကြီးတွေက ကြွယ်ဝပါတယ်။ ဟေရှာယ ၄၀း ၃၁ က “ထာဝရဘုရားကို မြော်လင့်သောသူတို့မူကား၊ အားပြည့်ကြလိမ့်မည်။ ရွှေလင်းတကဲ့သို့ မိမိတို့ အတောင်ကို အသစ်ပြုပြင်ကြလိမ့်မည်။ ပြေးသော်လည်း မပင်ပန်း၊ ခရီးသွားသောအခါ မမောကြရ။” ဆိုတာ ကိုယ်ခန္ဓာကို ပြောတာမဟုတ်ဘူး။ ဝိညာဉ် ခွန်အားပြည့်တာကို ပြောတာပါ။

၄။ အချိန်ကျမှ   In His Time

                မူကြိုကလေးအရွယ်တွေက အချိန်ကို နားမလည်သေးဘူး။ နောက် ၂ ပတ်ကြာရင် တိရစ္ဆာန်ရုံကို  သွားမယ်ဆိုလို့ကတော့ နေ့တိုင်း တိရစ္ဆာန်ရုံကို သွားတော့မလားလို့ ၂ ပတ်လုံးလုံး မေးနေတော့မှာပဲ။ လူကြီးတွေလည်း ဘုရားအချိန်ကို မစောင့်နိုင်ဘူး။ နှစ်ချီပြီး မကြာစေချင်ဘူး။ တရက်၊ ၂ ရက်အတွင်း ပြည့်စုံချင်ကြပါတယ်။

ဒေသနာဆရာက “ခပ်သိမ်းသော အမှုအရာတို့သည် မိမိတို့ အချိန်ရှိ၏။” (ဒေသနာ ၃း ၁) ဘုရားမှာ အချိန်ဇယား ရှိတယ်။ သူ့အချိန်ဇယားက အကောင်းဆုံးပါပဲ။ စောင့်ဆိုင်း တတ်ဖို့လိုပါတယ်။

ဂတိတော်က နှေးတတ်သလား?

                      အာဗြဟံနဲ့ စာရာကို သားပေးမယ်ဆိုပေမယ့် နှစ်အတော်ကြာအောင် မပေးသေးပါဘူး။ အသက်ကြီးမှ ပေးတာပါ။ ဒါဟာ နှေးတယ်ဆိုတာထက် အချိန်ကျမှ ပေးတာပါ။

ဂတိတော်နှေးနေရင် လူတွေ ဘယ်လို တုန့်ပြန်ကြသလဲ?

                    တချို့က သည်းခံခြင်းတိုးပွါးလာတယ်။ တချို့က ယုံကြည်ခြင်းကို ဆက်ထိန်းထားနိုင်ကြ

တယ်။ တချို့ကတော့ သူတပါး မြော်လင့်နေတာကို ကဲ့ရဲ့တတ်ကြတယ်။ ယုံကြည်ခြင်းအားကြီးတဲ့ အာဗြဟံမှာလည်း သံသယဝင်တဲ့အချိန်တွေ ရှိခဲ့ပါတယ်။ ဇနီးသည် စာရာ အိုမင်းလာတော့ ဘုရားဂတိပြည့် စုံ သွားအောင် အာဗြဟံနဲ့ စာရာက လူ့ညဏ်နဲ့ ထွင်လိုက်ကြပါတယ်။ ဣရှမေလ မွေးလာပါတော့တယ်။ (ကမ္ဘာ ၁၆)။ ဒါပေမယ့် သူ့အချိန်ကျတော့ သားဣဇက်ကို အံ့ဩထူးဆန်းဖွယ်ရာ မွေးဖွါးလာစေပါတော့တယ်။ (ကမ္ဘာ ၂၁း ၁- ရ)
ဂတိတော်အကြောင်း အတော်အတန် လေ့လာခဲ့ပါပြီ။ သမ္မာကျမ်းစာကို အနက်ဖွင့်ရာမှာ ……..

       ၁။ ကျမ်းစာပိုဒ် context ရဲ့ ဆိုလိုရင်းနဲ့ ညီရပါမယ်။ သူ့ရှေ့က စာပိုဒ်၊ သူ့နောက်က စာပိုဒ်တွေနဲ့ သဘောတူရပါမယ်။
      ၂။ သမ္မာကျမ်းစာတအုပ်လုံးရဲ့ ဆိုလိုရင်း context နဲ့လည်း ကိုက်ညီရပါမယ်။

သမ္မာကျမ်းစာရဲ့ အရေးအကြီးဆုံး ဂတိတော်ကတော့ “ဘုရားသခင်၏ သားတော်ကို ယုံကြည်သောသူအပေါင်းတို့သည် ပျက်စီးခြင်းသို့မရောက်၊ ထာဝရအသက်ကို ရစေခြင်းငှါ၊ ဘုရားသခင်သည် မိမိ၌ တပါးတည်းသော သားတော်ကို စွန့်တော်မူသည့် တိုင် လောကီသားတို့ကို ချစ်တော်မူ၏” (ယော ၃း ၁၆) ဖြစ်ပါတယ်။ ဒီကတိတော်က အခြေအနေပေါ်မူတည်တဲ့ conditional promise ဖြစ်ပါတယ်။ အခြေအနေက “ယုံကြည်”  ရပါမယ်။ “ယုံကြည်”ရင် အခမဲ့လက်ဆောင် ထာဝရအသက်ရပါတယ်။ ပျက်စီးခြင်း၊ အပြစ်စီရင်ခြင်း မခံရတော့ပါဘူး။ တခါမှ ကယ်တင်ရှင်ကို မယုံကြည်၊ လက်မခံ ရသေးရင် အခုလက်ခံလိုက်ပါ။ ဘုရားသခင်ရဲ့ ဂတိတော်ကတော့ “ထာဝရအသက်” ရပြီး၊ ကောင်းကင်ဝင်စားခွင့်ရတာပါပဲ။             #

There Shall be Showers of Blessing (Burmese)

D. W. Whittle

Daniel W. White စာသား
Ezekiel 34:26 And I will make them and the places round about my hill a blessing; and I will cause the shower to come down in his season; there shall be showers of blessing.
ယေဇကျေလ ၃၄း ၂၆ - “သူတို့ကို၄င်း၊ ငါ၏တောင်တော်ပတ်လည်၌ရှိသော အရပ်တို့ကို၄င်း၊ ငါကောင်းကြီးပေး၍၊ အချိန်တန်လျှင် မိုဃ်းကိုရွာစေသဖြင့်၊ ကောင်းကြီးမိုဃ်းရေ ကျရလိမ့်မည်။” –

Daniel ရဲ့ လက်ရာ သိပ်လှတဲ့ သီချင်းကလေးပါ။ စာသားတွေက ဘုရားသခင်ကိုရှာနေတဲ့ ခရစ်ယာန်တယောက်ကို မြော်လင့်ချက်နဲ့ အားအင်တွေ ပေးစွမ်းနိုင်ပါတယ်။ Daniel W. White ကို ၁၈၄၀ ခု၊ နိုဝင်ဘာ ၂၂ ရက်မှာ မွေးဖွါးပြီး၊ ၁၉၀၁ ခု၊ မတ်လ ၄ ရက်နေ့မှာ သေဆုံးပါတယ်။ White ဟာ ပြည်တွင်းစစ်ကာလမှာ ဗိုလ်မှူးအဖြစ် တာဝန်ထမ်းဆောင်ခဲ့ပြီး၊ ညာဖက်လက်ပြတ်သွားခဲ့ရပါတယ်။ အဲဒီနောက်ပိုင်းမှာတော့ ဗိုလ်မှူးလက်ပြတ်လို့ ခေါ်ကြပါတော့တယ်။ စစ်အတွင်းမှာပဲ သူကယ်တင်ခြင်းရခဲ့ပါတယ်။ သူကျမ်းစာဖတ်တာကို မြင်ဖူးထားတဲ့ စစ်သားလေးတယောက်က ဆုတောင်းပေးပါလို့ သေခါနီးမှာ သူ့ကို တောင်းဆိုပါတယ်။ တောင်းဆိုစကားကို နာခံရင်း၊ စစ်သားကလေးရဲ့ ဘေးမှာပဲ ခွင့်လွှတ်ခြင်းကို တောင်းခံခဲ့ပါတယ်။ ဗိုလ်မှူး ဝှိုက်ဟာ စစ်သားကလေးနဲ့အတူ ဆုတောင်းကြပါတယ်။ စစ်သားကလေးဟာ အသက်မထွက်ခင်ကလေးမှာ သခင်ခရစ်တော်ကို သိခွင့်၊ တွေ့ခွင့်ရသွားပါတယ်။ ဒီစစ်သားကလေး ဘုရားထံပြန်ဖို့ ဗိုလ်မှူးဝှိုက်ကို ဘုရားအသုံးပြုလိုက်တာပါ။ ဒီအကြောင်းကလေးက ဖတ်လို့ သိပ်ကောင်းတဲ့အကြောင်းလေးပါ။ စစ်ကြီးပြီးတော့ နာရီကုမ္ပဏီတခုမှာ ငွေထိန်းဖြစ်လာပါတယ်။ တိတ်ဆိတ်တဲ့ ကုမ္ပဏီရုံးခန်းထဲမှာပဲ သူ့အသက်တာကို ကယ်တင်ခြင်းတရားအတွက် ဆက်ကပ်ခဲ့ပါတယ်။

ဗိုလ်မှူးဝှိုက်ဟာ ဒီသီခြင်းတပုဒ်သာမကပဲ၊ တခြားသီချင်းနှစ်ပုဒ်ဖြစ်တဲ့ The Banner of the Cross and Christ Liveth in Me တို့ကိုလည်း ရေးသားခဲ့ပါတယ်။

There Shall be Showers of Blessing
Composer: Daniel W. Whittle
There shall be showers of blessing:
This is the promise of love;

James McGranahan သံစဉ်There shall be seasons refreshing,
Sent from the Savior above.

Refrain

Showers of blessing,
Showers of blessing we need:
Mercy drops round us are falling,
But for the showers we plead.

There shall be showers of blessing,
Precious reviving again;
Over the hills and the valleys,
Sound of abundance of rain.

Refrain

There shall be showers of blessing;
Send them upon us, O Lord;
Grant to us now a refreshing,
Come, and now honor Thy Word.

Refrain

There shall be showers of blessing:
Oh, that today they might fall,
Now as to God we’re confessing,
Now as on Jesus we call!

Refrain

There shall be showers of blessing,
If we but trust and obey;
There shall be seasons refreshing,
If we let God have His way.

ဟောရှေ ၁၀း ၁၂ “ကိုယ့်အဘို့ ဖြောင့်မတ်ခြင်းမျိုးစေ့ကို ကြဲ၍၊ ဂရုဏာတော်အသီးအနှံကို ရိတ်ကြလော့။ မလုပ်သေးသောလယ်ကို ထွန်ကြလော့။ ထာဝရဘုရားသည် ကြွလာ၍၊ သင်တို့အပေါ်သို့ ဖြောင့်မတ်ခြင်းမိုဃ်းကို ရွာစေတော်မမူမှီတိုင်အောင် ကိုယ်တော်ကို ရှာရသောအချိန် ရောက်လေပြီ။”

Count Your Blessings (Burmese)

“ကောင်းကြီးရေတွက်” သီချင်းအကြောင်း

Johnson Oatman, Jr.; စာသား

Johnson Oatman, Jr.;

သီချင်းစာအုပ်တွေထဲမှာ ပါဝင်လေ့အရှိဆုံး သီချင်းတပုဒ်ပါပဲ။ Sunday School မှာကတည်းက ဆိုကြသလို၊ ဧဝံဂေလိဆန်တဲ့ ဝတ်ပြုစည်းဝေးတွေမှာလည်း ဆိုနေကြဆဲပါပဲ။

Rev. Johnson Oatman, Jr., ဟာ ၁၉ ရာစုနောက်ပိုင်းနဲ့ ၂၀ ရာစုအစပိုင်းမှာ သွက်လက်ပြီး။ အသိအမှတ်ပြုလောက်တဲ့ ဧဝံဂေလိသီချင်းရေးဆရာပါ။ သူ့ကို ၁၈၅၆၊ ဧပြီ ၂၁၊ နယူးဂျာစီပြည်နယ်၊ မက်ဖေါ့မြို့မှာ မွေးဖွါးတယ်။ အဖေက သီချင်းအဆိုကောင်းတော့ ဘုရားကျောင်းက သီချင်းတွေနဲ့ ငယ်ငယ်ကတည်းက ရင်းနှီးခဲ့တယ်။ ၁၉နှစ်အရွယ်ရောက်တော့ မက်သဒစ်အသင်းတော်မှာ ပါဝင်တယ်။ နောင်နှစ်ပေါင်းများစွာ ကြာတော့ မက်သဒစ် အသိအမှတ်ပြု ဆရာတပါး ဖြစ်လာတယ်။ သီချင်းစာသား ၅,၀၀၀ ကျော်ရေးသားခဲ့ပေမယ်လည်း ကုန်သည်ဘဝမှာ ကျင်လည်ခဲ့သူဖြစ်တယ်။ နောက်ပိုင်းမှာတော့ နယူးဂျာစီပြည်နယ်မှာ အာမခံကုမ္ပဏီကြီးတခုမှာ စီမံခန့်ခွဲသူဖြစ်ခဲ့တယ်။ သူ့ရဲ့ တခြားလူကြိုက်များတဲ့ ဓမ္မသီချင်းတွေကတော့ “Higher ground” (သာ၍ မြင့်ရာ) နဲ့ “No, Not One!”  တို့ဖြစ်တယ်။ 
“Count Your Blessings” ဟာ Oatman ရဲ့ အကောင်းဆုံသီချင်းလို့ မှတ်ယူကြပါတယ်။ ဒီသီချင်းဟာ ၁၈၉၇ မှာ Edwin O. Excell ထုတ်တဲ့ “Song for Young People” သီချင်းစာအုပ်မှာ စတင် ပါဝင်လာပြီး၊ ကမ္ဘာတဝှန်း ဆိုလာကြတယ်။

Edwin Othello Excell သံစဉ်

Edwin Othello Excell

“ကမ္ဘာအမှောင်ဒေသတွေကို နေရောင်ခြည်လို ထွန်းလင်းစေခဲ့တဲ့ သီချင်း” လို့ လူတယောက်က မှတ်ချက်ချ ရေးသားဖူးပါတယ်။
ဒီသီချင်းလောက် ဘယ်အမေရိကန်ဓမ္မသီချင်းမှ အင်္ဂလန်မှာ လူကြိုက်မများဘူးလို့ ဆိုနိုင်မယ် ထင်ပါတယ်။

Gypsy Smith က “လန်ဒန်တောင်ပိုင်းမှာ ဒီသီချင်းကို အမျိုးသားတွေက ဆိုကြတယ်။ ကလေးတွေက လေချွန်ကြတယ်။ အမျိုးသမီးတွေက ကလေးအိပ်ဖို့ ဒီသီချင်းနဲ့ ပုခက်လွှဲကြတယ်” လို့ဆိုပါတယ်။

“Wales ပြည်နယ်မှာ နိုးထမှုဖြစ်တော့ Welsh လူမျိုးတွေရဲ့ အကြိုက်ဆုံးသီချင်းတွေဖြစ်တဲ့ “Guide me, O Thou Great Jehovah” နဲ့ “O That Will be Glory” သီချင်းတွေနဲ့အတူ စည်းဝေးတိုင်းမှာ ဆိုခဲ့တဲ့ သီချင်းပါ။

သံစဉ်ထည့်တဲ့ E. O. Excell က နာမည်ကျော် ဓမ္မတေးရေးဆရာပါ။ သူ့ကို ၁၈၅၁၊ ဒီဇင်ဘာ ၁၃ ရက်၊ Ohio ပြည်နယ်၊ Stark County မှာ မွေးတယ်။ အသက် ၂၀ မှာ အဆိုနည်းပြအဖြစ်နဲ့ နိုင်ငံတဝှန်း လှည့်လည်ရင်း အဆိုသင်တန်းကျောင်းတွေ တည်ထောင်ခဲ့တယ်။ နာမည်ကြီးတဲ့ တောင်ပိုင်း နိုးထမှုဆရာ Sam Jones နဲ့ နှစ်ပေါင်း ၂၀လောက် လက်တွဲခဲ့ပါတယ်။ သူ့ခေတ်မှာ အကောင်းဆုံး သီချင်းရေးဆရာတွေထဲက တယောက်ရယ်လို့ အသိအမှတ်ပြုခံရသူပါ။ ဓမ္မသီချင်းအပုဒ်ပေါင်း ၂,၀၀၀ ကျော် ရေးခဲ့သလို၊ သီချင်းစာအုပ် ၅၀ လောက် ထုတ်ဝေခဲ့တယ်။ ရှီဂါဂိုမှာ အောင်မြင်တဲ့ သီချင်းစာအုပ် ထုတ်ဝေရေးကို ဦးဆောင်ခဲ့သူဖြစ်တယ်။ Gypsy Smith ကို တရားဟောပွဲတခုမှာ ကူညီရင်း ၁၉၂၁ ခု၊ Kentucky ပြည်နယ်၊ Louisville မြို့မှာ ရုတ်တရက် အသက် ရ၀ အရွယ်နဲ့ ဘုန်းတော်ဝင်စားရင်း ကောင်းကင်သီချင်းတွေကြား တိုးဝင်သွားသူပါ။    

Brighten the Corner Where You Are (Burmese)

Ira D. Ogden

Brighten the Corner Where You Are

Composer Ira D. Ogden

Ira D. Ogdon

Ira D. Ogdon (1872-1964) ဟာ ကျောင်းဆရာမဘဝကနေ ဧဝဂေလိလုပ်ငန်းတွေမှာ ပါဝင်နေချင်သူပါ။ မကျန်းမာတဲ့အဖေကို ပြုစုဖို့အတွက် ဒီရည်ရွယ်ချက်ကို စွန့်လွှတ်ခဲ့ရပါတယ်။ ၁၉၁၃ မှာ Ogdon ဟာ တရားဟောစဉ်မြင့်နဲ့ သာသနာပြုနယ်မြေတွေမှာပဲ ဘုရားသခင်အတွက် လုပ်လို့ရတာမဟုတ်ဘူးဆိုတာကို Brighten the Corner Where You Are သီချင်းနဲ့ ခရစ်ယာန်တွေကို သတိပေးခဲ့ပါတယ်။ သူရေးတဲ့ တခြားသီချင်းတွေဖြစ်တဲ့    Carry your Cross With a Smile and What Would Jesus Do?, တို့မှာလည်း ဒီသဘောကိုပဲ အဓိကထား ရေးထားပါတယ်။

ဒီသီချင်းရဲ့ သံစဉ်ကိုတော့ နာမည်ကြီးဂီတဆရာ  Charles Hutchinson Gabriel (1856-1932) က ရေးဖွဲ့ပါတယ်။ . Gabriel  က I Stand Amazed In the Presence အပါအဝင် ဓမ္မသီချင်း အပုဒ် ၂၀ ကျော်အတွက် စာသားတွေ ရေးခဲ့ပြီး၊ လူသိများတဲ့ Will the Circle be Unbroken အပါအဝင် အပုဒ် တရာနီးပါးအတွက် သံစဉ်တွေ ရေးခဲ့ပါတယ်။

Hutchinson Gabriel (1856-1932)




Brighten the Corner Where You Are သီချင်းကို  Sunday schools နဲ့ အသင်းတော်များစွာမှာ ဆိုကြပါတယ်။ အမေရိကန် နာမည်ကြီး Jazz အဆိုတော် Ella Fitzgerald အပါအဝင် အဆိုတော်များစွာကလည်း အသံသွင်းဖြန့်ချီခဲ့ကြပါတယ်။       ။Brighten the Corner Where You Are

Do not wait until some deed of greatness you may do,
Do not wait to shed your light afar,
To the many duties ever near you now be true,
Brighten the corner where you are.
Refrain:
Brighten the corner where you are!
Brighten the corner where you are!
Someone far from harbor you may guide across the bar;
Brighten the corner where you are!

Just above are clouded skies that you may help to clear,
Let not narrow self your way debar;
Though into one heart alone may fall your song of cheer,
Brighten the corner where you are.
Refrain

Here for all your talent you may surely find a need,
Here reflect the bright and Morning Star;
Even from your humble hand the Bread of Life may feed,
Brighten the corner where you are.
Refrain
“And whatsoever ye do in word or deed, do all in the name of the Lord Jesus, giving thanks to God and the Father by him.” (Colossians 3:17)

Great is Thy Faithfulness (Burmese)

Thomas Obadiah Chisolm

Great  is Thy Faithfulness သီချင်းအကြောင်း
Thomas Obadiah Chisolm (1866-1960) ဟာ လူလတ်ပိုင်းဘဝမှာ ခက်ခက်ခဲခဲ အသက်ရှင်ခဲ့ရသူပါ။ ကျန်းမာရေး ချူချာလွန်းလို့ အလုပ်မလုပ်နိုင်ပဲ၊ အိပ်ယာထဲ လဲနေခဲ့တယ်။ ဝေဒနာခံစားနေရတဲ့ကြားက လိုအပ်ချက်တွေကြောင့် အချိန်ပိုတွေမှာ အလုပ်မျိုးစုံ ပြေးလွှားလုပ်ကိုင်ခဲ့ရပါတယ်။

အသက် ၂၇ နှစ်အရွယ်မှာ ခရစ်တော်ထံ လှည့်ပြန်ပြီးနောက်၊ သောမတ်စ်ဟာ ကျမ်းစာဖတ်ရာမှာ မွေ့လျော်လာပါတယ်။ သူနေမကောင်းတဲ့အချိန်၊ အားနည်းနေချိန်တွေမှာ ဘုရားသခင်က အားပေးမ,စ ပြီး၊ လိုတာတွေ ဖြည့်ဆည်းပေးတာကို ကိုယ်တိုင်ခံစားလာရတယ်။ မြည်တမ်းစကား ၃း ၂၂- ၂၃ ဟာ သူအကြိုက်ဆုံး ကျမ်းပိုဒ်တွေတခု ဖြစ်လာပါတယ်။ “ထာဝရဘုရားသည် သနားတော်မူ၍ ကရုဏာတော်သည် မကုန်သောကြောင့်၊ ငါတို့သည် ဆုံးရုံးခြင်းသို့ မရောက်ပဲနေကြ၏။ နံနက်တိုင်း ကရုဏာတော်အသစ်ကို ခံရကြ၏။ သစ္စာတော်သည် ကြီးမြတ်ပါ၏။”

သာသနာပြုခရီးတခုမှာ ရောက်နေတုန်း သူရဲ့မိတ်ဆွေရင်း၊ မထင်ရှားတဲ့ ဂီတသမား William Runyan ထံကို စာမကြာခဏရေးခဲ့ပါတယ်။ ကဗျာတွေလည်း ဖလှယ်ခဲ့ကြပါတယ်။ ကဗျာတပုဒ်ကတော့ စိတ်လှုပ်ရှားစရာကောင်းလို့ Runyan အနေနဲ့ သံစဉ်ထည့်ပြီး သီချင်းဖွဲ့ဖို့ ဆုံးဖြတ်လိုက်ပါတယ်။ Great is Thy Faithfulness သီချင်းကို ၁၉၂၃ မှာ ဖြန့်ချီခဲ့ပါတယ်။

အစပိုင်းမှာတော့ နှစ်ပေါင်းများစွာကြာအောင် သီချင်းက လူသိမများခဲ့ပါဘူး။ နောက်တော့ Moody Bible Institude က ပါမောက္ခတယောက်က အရမ်းကြိုက်ပြီး၊ ကျောင်းရဲ့ ဝတ်ပြုခြင်း အစီအစဉ်တွေမှာ မကြာခဏတောင်းဆိုရာကနေ၊ ကျောင်းသီချင်းနီးပါး ဖြစ်လာပါတယ်။

၁၉၄၅ ခု Billy Graham ဧဝံဂေလိတရားဟောပွဲမှာ George Beverly Shea က Great is Thy Faithfulness ကို စဆိုလိုက်ချိန်မှာတော့ ဒီသီချင်းကို ကမ္ဘာတဝှန်းလုံး ကြားလိုက်ရပါတော့တယ်။

Thomas Chisolm ဟာ ၁၉၆၀ ပြည့်နှစ်၊ အသက် ၉၄ မှာ ကွယ်လွန်ခဲ့ပါတယ်။ သူ့ဘဝမှာ O To Be Like နဲ့ Living for Jesus အပါအဝင် သီချင်းတွေနဲ့အတူ၊ ကဗျာ အပုဒ်ပေါင်း ၁,၂၀၀ ကျော်ရေးသားခဲ့ပါတယ်။

“I will sing of the mercies of the Lord for ever: with my mouth will I make known Thy faithfulness to all generations.” (Psalm 89:1)
“အကျွန်ုပ်သည် ထာဝရဘုရား၏ ကရုဏာတော်ကို အစဉ်အမြဲ သီချင်းဆိုပါမည်။ ကိုယ်တော်၏သစ္စာကို လူမျိုးအဆက်ဆက်တို့အား ဟောပြောမြွက်ဆိုပါမည်။” – (ဆာလံ ၈၉း ၁)

Great is Thy Faithfulness

Refrain:
Great is Thy faithfulness!
Great is Thy faithfulness!
Morning by morning new mercies I see.
All I have needed Thy hand hath provided;
Great is Thy faithfulness, Lord, unto me!

Great is Thy faithfulness, O God my Father;
There is no shadow of turning with Thee;
Thou changest not, Thy compassions, they fail not;
As Thou hast been, Thou forever will be.
Refrain

Summer and winter and springtime and harvest,
Sun, moon and stars in their courses above
Join with all nature in manifold witness
To Thy great faithfulness, mercy and love.
Refrain

Pardon for sin and a peace that endureth
Thine own dear presence to cheer and to guide;
Strength for today and bright hope for tomorrow,
Blessings all mine, with ten thousand beside!
Refrain
“I will sing of the mercies of the Lord for ever: with my mouth will I make known Thy faithfulness to all generations.” (Psalm 89:1)

Standing on the promises of God (Burmese)

Russell Kelso Carter

Standing on the Promises of God - “ဂတိတော်၌ တည်နေသည်“ သီချင်းအကြောင်း

သီချင်းရေးသူ ….. Russell Kelso Carter

Russell Kelso Carter (1849-1928) ဟာ စစ်တက္ကသိုယ်တခုမှာ အားကစားထူးချွန်ခဲ့ပါတယ်။ ကျောင်းစာတော်သလို၊ ဆရာအဖြစ်၊ အားကစားနည်းပြအဖြစ်လည်း အောင်မြင်ခဲ့ပါတယ်။ ဆေးကျောင်းတက်ပြီးတဲ့နောက် မက်သဒစ်ဆရာတယောက်အဖြစ် နှစ်ပေါင်းများစွာ နေထိုင်ခဲ့ပါတယ်။ နောက်ပိုင်းမှာတော့ ဆရာဝန်တယောက်အဖြစ် အသက်မွေးခဲ့ပါတယ်။ သူက ဂီတသမားဖြစ်သလို၊ သီချင်းလည်း ရေးခဲ့ပါတယ်။ ၁၈၈၆ မှာ Songs of Perfect Love သီချင်းစာအုပ်ကို John Sweney (1837-1899) နဲ့ ပူးတွဲတည်းဖြတ်ခဲ့ပါတယ်။ ဝက်စလေကတော့ Beulah Land and Fill Me Now သီချင်းတွေကို ရေးသားခဲ့သူပါ။ ဒီသီချင်းစာအုပ်ထဲမှာ Carter ရဲ့ နာမည်အကြီးဆုံးသီချင်း “Standing on the Promises” လည်းပါခဲ့ပါတယ်။

Carter ဟာ အမည်ခံခရစ်ယာန်ဖြစ်နေခဲ့ပေမယ့်၊ တနေ့တော့ သူ့နှလုံးရောဂါက ဘုရားသခင်ရဲ့ ဂတိတော်တွေကို နားလည်စပြုဖို့ အကြောင်းဖန်လာခဲ့ပါတယ်။ အသက် ၃၀ အရွယ်မှာ ကျန်းမာရေးဆိုးရွာလာပြီး၊ သမားတော်တွေက ဘာမှ မတတ်နိုင်တော့ပါဘူး။ Carter ဟာ ကျန်းမာဖို့ ဘုရားသခင်ထံ လှည့်ပြန်ခဲ့ပါတယ်။

သူဟာ ဒူးထောက်ပြီး၊ ကတိသစ္စာပြုလိုက်တယ်။ ပျောက်သည်ဖြစ်စေ၊ မပျောက်သည်ဖြစ်စေ၊ တသက်လုံး ဘုရားသခင်အတွက်ပဲ အသက်ရှင်တော့မယ်လို့ ဂတိထားလိုက်တယ်။ အဲဒီအချိန်ဟာ Carter ရဲ့အထဲမှာ ဘုရားစကားတော်တွေ တကယ် အသက်ဝင်လာတဲ့ အချိန်ပါပဲ။ ဆရာဝန်က ဘာပဲပြောပြော၊ ကိုယ်တိုင် ဘယ်လိုပဲ ခံစားရ၊ ခံစားရ၊ ပျောက်ကင်းစေမယ့် ဘုရားဂတိတော်တွေပေါ်မှာ ရပ်တည်ခဲ့ပါတော့တယ်။ လအတော်ကြာ ရုန်းကန်ခဲ့ပြီးနောက်မှာ ပြန်အားပြည့်လာပါတယ်။ နှလုံးလည်း လုံးဝ ပုံမှန်ပြန်ကောင်းသွားပါတယ်။ နောက်ထပ် နှစ်ပေါင်း ၄၉ နှစ် ကျန်းမာစွာ အသက်ရှင်ခွင့်ရခဲ့ပါတယ်။

 ရောဂါမပျောက်ခင် နှစ်ပေါင်းများစွာကတည်းက ရေးခဲ့တဲ့ “Standing on the Promises” သီချင်းဟာ သူ့အတွက်တော့ စားသားနဲ့ သံစဉ်မျှသာမဟုတ်ပါဘူး။ Carter ရဲ့ တကယ့်ဖြစ်ရပ်၊ ဘဝရဲ့အစိတ်အပိုင်းတခု ဖြစ်နေပါတယ်။

“မြော်လင့်ခြင်းအကြောင်းကို ဝန်ခံ၍မတိမ်းယိမ်းမရွေ့လျော့ဘဲ တည်ကြည်ကြကုန်အံ့။ အကြောင်းမူကား ဂတိထားတော်မူသောသူသည် သစ္စာနှင့် ပြည့်စုံတော်မူ၏။” - ဟေဗြဲ ၁၀း ၂၃  

Standing On the Promises

Standing on the promises of Christ my King,
Through eternal ages let His praises ring,
Glory in the highest, I will shout and sing,
Standing on the promises of God.
Refrain:
Standing, standing,
Standing on the promises of God my Savior;
Standing, standing,
I’m standing on the promises of God.

Standing on the promises that cannot fail,
When the howling storms of doubt and fear assail,
By the living Word of God I shall prevail,
Standing on the promises of God.
Refrain

Standing on the promises I now can see
Perfect, present cleansing in the blood for me;
Standing in the liberty where Christ makes free,
Standing on the promises of God.
Refrain

Standing on the promises of Christ the Lord,
Bound to Him eternally by love’s strong cord,
Overcoming daily with the Spirit’s sword,
Standing on the promises of God.
Refrain

Standing on the promises I cannot fall,
Listening every moment to the Spirit's call
Resting in my Savior as my all in all,
Standing on the promises of God.
Refrain
“Let us hold fast the profession of our faith without wavering; for he is faithful that promised.” (Hebrews 10:23)

Ba Din's songs

Ba Din

ဗဒင်ရဲ့ သီချင်းများကို ခံစားကြည့်တဲ့အခါ သံစဉ်ပိုင်းမှာ တေးသွားဟန်တွေ မထပ်အောင် ပုံစံအမျိုးမျိုးနဲ့ ရေးသွားနေရင်းနဲ့ သူရဲ့ ကိုယ်ပိုင်ဟန်လည် မပျောက်မပျက် ပေါ်လွင်နေတာ တွေ့ရပါတယ်။ ဒါပေမယ့် သံစဉ်ထက် သူ့ရဲ့စာသားတွေက ပိုပြီး စိတ်ဝင်စားဖို့ကောင်းတယ်လို့ ထင်မိပါတယ်။

အမှတ်တံဆိပ်။         ။ သီချင်ရေးဆရာတယောက်ရဲ့ နှုတ်ဖျားမှာ အမှတ်တမဲ့ သူရွတ်နေကျ၊ သူတွေးမိနေကျ စကားလုံးတခု ရှိနေတတ်ပါတယ်။ သူ့ရဲ့ ကိုယ်ပိုင် အစွဲလန်းဆုံး စာသားတခုပါ။ သူ့ရဲ့ Trade Mark စကားလုံးဆိုပါစို့။ ဒါကို သီချင်းရေးဆရာ တယောက်တည်းရဲ့ သီချင်းတွေကိုချဉ်း သပ်သပ်လေ့လာတဲ့အခါ တွေ့ရနိုင်ပါတယ်။ ရေးတဲ့ သီချင်းအတော်များများမှာ အဲဒီစကားလုံးကလေး ပါနေတတ်ပါတယ်။ ဥပမာ၊ သီချင်းရေးဆရာတယောက်က `ကမ္ဘာကြီးက ကျဉ်းလွန်းပါတယ်´ လို့ သူ့ရဲ့သီချင်း အနည်းဆုံး ၂ ပုဒ်လောက်မှာ ရေးခဲ့ပါတယ်။ ( အများစုကတော့ ကမ္ဘာကြီးကျယ်တယ်လို့ စိတ်စွဲနေကြချိန်မှာ သူက ထူးခြားစွာပဲ ကျဉ်းတယ်လို့ ခံစားနေတာပါ။ ဒါက သူ့ စိတ်စွဲနေတဲ့ စကားလုံးဆိုပါစို့။ ) `တစစီကျိုးပဲ့´ တာကိုရေးတဲ့ သီချင်းရေးဆရာဟာ ` အတွင်းကြေ ... အတွင်းကြေ´ လို့ ပြောလာပြန်ပါတယ်။ သီချင်းရေးဆရာတွေ စွဲလန်းနေတဲ့ စကားလုံးတွေက မတူကြပါဘူး။ သပ်သပ်စီရှိကြပါတယ်။ ဒီလိုဆို သီချင်းရေးဆရာ ဗဒင်စွဲလန်းတဲ့ စကားလုံးက ဘာဖြစ်မလဲ? `နေရာ´ ပါ။ ပထမဆုံးထွက်တဲ့ သီချင်းစုရဲ့ ခေါင်းစီးသီချင်းဖြစ်ခဲ့သလို၊ `နေရာ ၁´ နဲ့ `နေရာ ၂´ ဆိုပြီး ၂ ပုဒ် ရေးခဲ့ပါတယ်။ သူ့ရဲ့တခြားသီချင်းတွေမှာလည်း တခါတခါ ပါလာတတ်တဲ့ စကားလုံးဟာ “နေရာ” ပါ။

“မင်းကတော့ ကိုယ့်ဘဝထဲက နေရာ ...
မင်းကတော့ နှလုံးသားရှိတဲ့ နေရာ ....
မင်းကတော့ ကိုယ့်အသက်ရှိတဲ့ နေရာ ... ”

ထူးခြားချက် ။      ။ ဆရာစောဘွဲ့မှူးရဲ့ သီချင်းစာသားတွေမှာ ဟာသလေးတွေ ပါတတ်တာဟာ သူ့ရဲ့ ထူးခြားချက်ပါ။ ဥပမာ - “မင်းဆံပင်ဖြူဖြူမှာ .... စပယ်ကုံးကလေး ပန်ပေးမယ် ... ” အသက်ကြီးကြီး အဖွါးအိုတယောက်ရဲ့ ဆံပင်အဖြူပေါ်မှာ အဖြူရောင် စပယ်ပန်းကုံးကို အဖိုးအိုတယောက် ပန်ပေးတာကို မြင်ရောင်ရင်း ရယ်ချင်လာပါလိမ့်မယ်။

သီချင်းရေးဆရာ ဗဒင်ကတော့ ကဗျာသိပ်ဆန်ပါတယ်။ နောက်ပြီး စာသားနဲ့ ရှုခင်း၊ မြင်ကွင်းတွေကို ကွက်ကွက်ကွင်းကွင်း ပုံဖေါ်ရာမှာ သိပ်တော်ပါတယ်။ “ချစ်အသဲကျော်မလေး” သီချင်းထဲမှာ

 “မိုးရွာပြီးမှ ... နှင်းဆီပွင့်ပေါ် ..... တင်ကျန်တဲ့ ..... မိုးစက်ကလေး ....
တစက်လိုပါ .... ကိုယ့်ချစ်ခြင်းတွေ .... မင်းရင်ထဲမှာ
...နောက်ဆုံးနေရာ .... ရပိုင်ခွင့် ..... ပေးမှာလား? ”

ခေါင်းကိုမော့ကာ ..... သူ့ဆံပင်လေး .....
တင်သပ်လိုက်တာကိုက ..... ဆွဲဆောင်မှု ......တခုလေလား ....... ” ဆိုတဲ့အဖွဲ့မှာ ကဗျာဆန်တာနဲ့အတူ ... မြင်းကွင်းကို ကောင်းကောင်း ပုံဖေါ်နိုင်တာတွေ့ရပါတယ်။

သီချင်းရေးရာ ဗဒင်က ကျွန်တော်တို့ကို လူနေထူထပ်တဲ့ ရန်ကုန်မြို့ရဲ့ ဘတ်စ်ကားမှတ်တိုင်တွေရှိရာကို မခေါ်ပဲ၊ ဘယ်ကို ခေါ်သလဲကြည့်ပါဦး။ လေယာဉ်ပျံစီးပြီး ခရီးသွားရသလားမှတ်ရပါတယ်။
“ကျေးလက်တောတန်း .... မြိုင်ယံကြား ..... မြို့ပြများလည်း
.... ကျော်လွန်ရင်း ...  မိုင်ထောင်ချီတဲ့ အတွေးတွေရယ် ....
အိုး ..... ပင်လယ်ပြာ .. ရေ မွှာဖြူ ..... လှိုင်းများကြားမှာ ....
ဇင်ယော်လို .... ကျင်လည်ကာ .... ဖြတ်သန်းခြင်း ....
ခရီးဝေး ....   ပျောက်ဆုံးစာရင်းဝင်နေတဲ့ ......
ကျွန်းကလေးတကျွန်း ... တနေရာက ..... ရင်ခုံသံတွေနဲ့ .....
အတူတူ ... ကိုယ်ရှာဖွေနေတဲ့ ... ကိုယ်ဘဝကို .....
ဘယ်နေရာမှာ ... ပြန်လည်တွေ့ရှိမလဲ? .... ”
ဗဒင် - နေရာ ၁ သီချင်း နားထောင်ရန်

“ဘာသာပြန်” ဆိုတဲ့ နာမည်ဆန်းဆန်းနဲ့ သီချင်းကလေးမှာလည်း ..... “တိမ်ဆိုင်တွေရယ် ...
မြူတွေရယ် ... နှင်းထုရယ် ... မနက်ခင်းရယ် ....သဲသဲကွဲကွဲမရှိတဲ့ ပုံရိပ်များရယ် ...
လိမ်မော်ရာသီ ... တောင်ပေါ်မှာ ....လမ်းကျဉ်းငယ်ကလေးများလျှောက်ရသလို ....
အကြင်နာလမ်းဟာ .... ရီဝေဝါးနေတယ် .... မရေရာဘူး ... ဟူး ..... ”
“ရေတခွန်တွေရယ် ...... အော်မြည်ကာ ..... ပြင်းပြစွာ ....
ရိုက်ခတ်စဉ် .... လျှိူ့ဝှက်ချက်နဲ့ပြည့်တဲ့ ..... ရေထွက်ရာ .....
ရေဆန်ကို လှန်ရှာဖွေစဉ် .... ချောင်းများခံ .... အစပြု ..
စီးဆင်းရာ ..... နေရာမျိုးဟာ ..... အကြင်နာ စတင်ရာ ....ညိုမျက်ဝန်းလို့ ...... ”

“အဟောင်းဆိုင်” ဆိုတဲ့ သီချင်းမှာတော့ ....
“လေဟုန်စီးရင်း ..... လရောင်အောက်မှာ ....
ဖေါ်စုံ ... ပိုးစုံးကျူးငယ်ကလေးတို့ရယ် .... ” ညရှုခင်းကို ပုံဖေါ် ရေးထားပါတယ်။

ဝိညာဉ်ရေး ။       ။ လောကီသီချင်းတွေကို ရေးကြ၊ ဆိုကြတဲ့သူတွေက ဘုရားတရားအကြောင်း ပြောတဲ့အခါ၊ ဓမ္မတေးသီချင်းတွေ ဆိုတဲ့အခါ အလွန်သည်းခံနားထောင်ရပါတယ်။ သူတို့ဟာ လောကမှာ
ကျော်ကြားသူတွေဖြစ်ကြတာမှန်ပေမယ့် ဘုရားတရားတော့ သိပ်မသိတတ်ပါဘူး။ မသိတာကို သိသလို ဆရာလုပ်ပြောတာ၊ ဟန်ဆောင်ပြောတာတွေက ဆိုးပါတယ်။

ဒီထက်ပိုဆိုးတာက တေးရေးဗဒင် အရက်သောက်တတ်တာကို သိထားရင် သူရေးတဲ့ ဘုရားတရားသီချင်းဟာ ပိုဆိုမလားလို့ ထင်ရပါတယ်။ ဒီနေရာမှာ လူ့သဘာဝအထင်နဲ့ ခရစ်ယာန်တရားသဘောဟာ အတော်ကွာပါတယ်။ ဒါကြောင့် ဗဒင်ရဲ့ သီချင်းဟာ လွဲနေမလားလို့ စိုးရိမ်စရာပါ။

လူ့သဘာဝက လူဟာ ကောင်းကင်ရောက်ဖို့ ကောင်းတာလုပ်ရမယ်လို့ ယူဆလေ့ရှိပါတယ်။ Do ပေါ့။ ဘုရားသခင်က လူလုပ်လို့ ဘာဖြစ်လာမလဲ? ငါ လုပ်ပေးတယ်။ Done ပါ။ လူက တခုခုလုပ်ပါ။ Do, ဘုရားက ငါလုပ်ပေးပြီးပြီ။ Done ပါ။ ဒါကြောင့် ခရစ်ယာန်တရားက ကိုယ်ကျင့်တရား moral ကို ဦးစားပေး ပြောတာမျိုးမဟုတ်ပါဘူး။ ပညတ် Law တွေကို ပြနေတာမျိုးမဟုတ်ပါဘူး။ သူက ဘုရားကျေးဇူးတော် Grace ကို အဓိကပြောပါတယ်။ လူမတတ်နိုင်တာကို ဘုရားမ,တာကို ပြောတာပါ။ (လူမစွမ်း၊ နတ်,မ, ဆိုသလိုပါပဲ။ လူမစွမ်းလို့  ဘုရားမ, တာပါ။) ခရစ်ယာန်တရားက မကောင်းတဲ့သူ၊ မှားနေတဲ့သူတွေကို ဘုရားကယ်နိုင်တဲ့အကြောင်း၊ ပြုပြင်နိုင်တဲ့အကြောင်းသာ ပြောရတာပါ။ ကဲ ... တေးရေးဗဒင် ဒီအချက်ကို သိခဲ့သလား?
“သိုးမည်းဟောင်းတွေအကြောင်း” မှာ ကြည့်ကြပါစို့။

“ဘုရားကျောင်းလည်း  .... မင်းကမတက်တာ ..... အတော်ကြာပြီ ......”
“မင်းကတော့ .... တို့နဲ့ ပါမလာပဲ ....အမှောင်ထဲမှာ ... ဆက်လျှောက်နေဆဲ .....” လို့ ဘုရားတရားနဲ့ ဝေးနေတဲ့ သူ့သူငယ်ချင်းကို ပြောပါတယ်။
“လောကရဲ့ လမ်းတွေပေါ် .... ဆိုးကြ၊ မိုက်ကြရင်းနဲ့ .....
ရုန်းထွက်တော့ ..... မင်းက ပါမလာပဲ ....
အမှောင်ထဲမှာ .... ဆက်လျှောက်နေဆဲ ... ” လို့ ပေဖေါ်၊ ပေဖက်သူငယ်ချင်းကို ပြောပါတယ်။
“တို့ကတော့ .... တို့ကတော့ .... ဘုရားကျောင်းထဲ ....
ပြန်ရောက်တဲ့အချိန် .....”
“တို့ကတော့ .... တို့ကတော့ .... ဝေးဝေးကနေ ...
ဆုတောင်းပေးမယ် ...” လို့ သူ့သူငယ်ချင်း လူဆိုးလူတေတွေကို အပြစ်မမြင်ပဲ၊ စာနာစွာနဲ့
ဆုတောင်းပေးသူပါ။
“မင်းဆိုးလို့ ဝရင် ... မင်းမိုက်လို့ ဝရင် ....
သိုးမဲဟောင်းကြီးတွေ .. ပြေးထွက်လာပြီး ...
မင်းကို ကြိုနေမယ် ....”
တေးရေးဗဒင်က သူ့သူငယ်ချင်းတွေကို ပြောပါတယ်။ “ငါအခု ဘုရားကျောင်းထဲ ရောက်နေပေမယ့်၊ တချိန်ကတော့ မင်းတို့လို သိုးမည်းတကောင်ပါပဲကွာ” ဒီသီချင်းအရတော့ တေးရေးဗဒင်ဟာ ကိုယ်ကျင့်တရားကို ဦးစားပေးသူ moralist မဟုတ်ဘူး။ စာနာတတ်သူလို့ ဆိုနိုင်ပါတယ်။
နောက်တပုဒ် ... “ထမ်းထုတ်သွားခဲ့ပြီ” မှာတော့ သူ့ဘဝကို ပြောပြလာပါတယ်။
“ညညဆို ကိုယ်မျက်လုံးတွေ .... ကြောင်မနေတော့ဘူး .....
နေ့ဖက်ဆို ... ကိုယ့်ရဲ့စိတ်တွေ ... တိုမနေတော့ဘူး ....
ဘာသာပြန်စာအုပ်များနဲ့ ..... အချိန်ပိုများမှာ ....
အတိတ်က အဖြစ်အပျက်တွေကို ..... ကြိုးစားမေ့ဖို့ ...
မလိုတော့ဘူး .....”
သူ့အရင်က နေပုံထိုင်ပုံတွေပါ။ ဒါပေမယ့် သူ့ဘဝမှာ တနေ့ ထူးထူးခြားခြား ဖြစ်သွားတာလေး ရှိလာတယ်။ ဒါက သူ့ဝိညာဉ်ရေးနဲ့ဆိုင်တယ်။ သူပျော်လို့ ထအော်လာတယ်။

“ကိုယ့်ဘဝကို ... ဘယ်သူ့ဘဝနဲ့မှ ...မလဲဘူး .....ကိုယ့်ဘဝကို ... တွေ့ရှိတဲ့သူ .... ဖြစ်သွားလောက်အောင် ...

ကရာနီမှာ .... အသစ်ပြုပြင်တဲ့ ချစ်မေတ္တာက .... ငါ့ကို
ထမ်းထုတ်သွားခဲ့ပြီ ....” ကြည့်- သူ့ဘဝကို

သူကြေနပ်သွားတယ်။ သူ့ဘဝ နေပျော်သွားပြီ။
“ ဆိုးဝါးတဲ့အတွေးတွေ ... ဝင်ဝင်လာလို့ ....
အားလပ်ချိန်ကလေးတွေ ..... ရင်မဆိုင်ချင်ဘူး .....
ယမကာဆိုင်ထဲသွားပြီး .... အချိန်ပိုများမှာ ....
လက်ရှိကိုယ့်ဘဝနေရာက .... ထွက်ပြေးဖို့လည်း ......
မလိုတော့ဘူး ...... ”  သူ့ရဲ့ အရင်ကအကြောင်းတွေပါ။
“အပေါင်းတွေရှိရာ .... ကိုယ်မလာချင်ဘူး ....
အမျိုးတွေထဲမှာ ...... ကိုယ်မနေချင်ဘူး ....
ကြာရှည်စွာ ... တယောက်တည်းပဲ ... နေလာခဲ့တယ် ....
အသိုင်းဝိုင်းများရဲ့ ..... အပြင်မှာ ....
အခန်းအောင်းဖို့လည်း ..... မလိုတော့ဘူး .....”
ဒီလိုဖြစ်သွားရတာ ဘာကြောင့်လဲ? သူဆက်ပြောပြပါတယ်။
“ကိုယ့်ဘဝကို ဘယ်သူ့ဘဝနဲ့မှ မလဲဘူး .....
ကိုယ့်ဘဝကို...... တွေ့ရှိတဲ့သူ...
ဖြစ်သွားလောက်အောင် .....
ကရာနီမှာ (အရာရာကို) ..... အသစ်ပြုပြင်တဲ့  .....
ချစ်မေတ္တာက ...... ငါ့ကို .....
ထမ်းထုတ်သွားခဲ့ပြီ ...... ”

သိုးမည်းဟောင်းတွေအကြောင်း -သီချင်း
လွန်ခဲ့တဲ့ နှစ်ပေါင်း ၂၀၀၀ တုန်းက .... ကရာနီတောင်ကုန်းအရပ်မှာ ဘုရားသခင်ရဲ့ သားတော် သခင်ယေရှု အသေခံပေးတာကို သူပြောနေတာပါ။  ဘုရားသခင်ရဲ့ သားတော်က လူသားတွေ ကိုယ်စား အပြစ်အတွက် အသေခံပေးခဲ့တာကို သူသိနေပါတယ်။ ကရာနီတောင်ကုန်းပေါ်ကို သခင်ယေရှု သစ်တိုင်ကြီး ထမ်းသွားနေတာဟာ လူတွေရဲ့ အပြစ်တွေကို ထမ်းပိုးခဲ့ရတာပါ။ အပြစ်ကို တရားသဖြင့် ချေဖို့ရာ အပြစ်ကြွေးတွေကို အသေခံပေးဆပ်ဖို့ လိုပါတယ်။ ဒီအတွက် အသက်ပေးခဲ့ရတာပါ။ အဲဒီအသေခံတာမှာ သူ့အတွက် ပါတယ်လို့ တေးရေးဗဒင်က သိမြင်သွားတာပါ။ အဲဒီလို အပြစ်ရှိသူကိုယ်စား အသေခံပေးတာကို သူဘယ်လို ပြောပြသလဲ?
“ငါ့ကို .... ထမ်းထုတ်သွားခဲ့ပြီ ....”
ဒီသီချင်းကို နားထောင်မိစမှာ သူ့တင်စားပုံက ခပ်ပေါ့ပေါ့ ဖြစ်နေတယ်၊ လူငယ်ဆန်လွန်းတယ်၊ မလေးနက်ဖူးလို့ ထင်မိပါတယ်။ ဒါပေမယ့် သူရေးတာက သူ့ဘဝနဲ့ရင်းပြီး၊ သူခံစားသလို ရေးသွားတာပါ။ မြင်ယောင်ကြည့်ပါ။ ကျွန်တော်တို့ အသောက်လွန်ပြီး၊ အရက်ဆိုင်ထဲမှာ မထနိုင်ဖြစ်နေချိန်မှာ ဘယ်လိုအိမ်ပြန်မလဲ? အခင်ဆုံးသူငယ်ချင်းတယောက်က လိုက်လာမှာပဲ။ မထနိုင်တဲ့ ကျွန်တော်တို့ကို ထမ်းထုတ်တွဲခေါ်ရမှာပါပဲ။ တေးရေးဗဒင်က အဲဒီအကြင်နာမျိုးကို ခံစားလိုက်ရတာပါ။ လူကောင်းတွေဟာ ဘုရားမေတ္တာကို သိပ်ပြီးလေးလေးနက် ံစားမိချင်မှ ခံစားမိပါမယ်။ ဆိုးတဲ့ဘဝ၊ ပေတဲ့ဘဝထဲက
ဘုရားမေတ္တာ၊ ဘုရားခွင့်လွှတ်ခြင်းကို ခံစားမိသွားသူတွေကတော့ ကြည်နူးစရာအဖြစ် မမေ့နိုင်စရာပါပဲ။ ဒါကို သီချင်းတပုဒ်တောင် အမှတ်တရ ရေးသွားခဲ့တာပါလား။ လူတိုင်း ဘုရားမေတ္တာကို ကြည်ကြည်နူးနူး ခံစားမိနိုင်ပါစေလို့ ဆုတောင်းလိုက်ပါတယ်။  .....။

သခွါးသီး - Cucumber

Cucumber - သခွါးသီး

• သခွါးသီး - - -  ကယ်လိုရီလျော့နည်းစေပါတယ်။
•  အသားအရေစိုပြေစေတယ်။
• ၀မ်းပျော့စေတယ်။
• အဆစ်အမြစ်ရောင်တာကို သက်သာစေတယ်။
• ကိုယ်ခန္ဓာကို သန့်ရှင်းစေတယ်။
• သွေးတိုးကျစေတယ်။
• ဆံပင်သန်စေတယ်။
• ကိုယ်အလေးချိန်လျော့ကျစေတယ်။
• ရေဓါတ်များစေတယ်။
• ၀က်ခြံလျော့ပါးစေတယ်။
• နှာစေးခြင်းနဲ့ - ပျို့အန်ခြင်းကို သက်သာစေတယ်။
• အစာအိမ်ပြဿနာများကို သက်သာစေတယ်။
• မျက်စိအညောင်းသက်သာစေတယ်။
• နွေရာသီမှာ ကိုယ်ခန္ဓာကို အေးမြနေစေတယ်။
• သွားနဲ့ သွားဖုံးကို ကျန်းမာစေတယ်။

ကျန်းမာရေးနဲ့ညီအောင် စားသောက်ပါ။ Nature Remedy

Natural Remedy ( သဘာဝကုထုံး )

၁။ ဟင်းသီးဟင်းရွက်နဲ့ကို ပရိုတိန်း (သို့) ကာဗွန်ဟိုက်ဒရိတ်နဲ့ တွဲစားပါ။
၂။ ဂျုံဖြူနဲ့လုပ်တာတွေကို ပရိုတိန်းနဲ့ တွဲမစားပါနဲ့။
၃။ ရေစိမ်၊ အပင်ပေါက် သစ်စေ့များ၊ ရောနှောထားတဲ့ သစ်စေ့များဟာ ပရိုတိန်းကောင်းကောင်း ဖြစ်လာစေပါတယ်။ သိပ်ကောင်းတဲ့ အင်ဇိုင်းရလာစေပါတယ်။
၄။ အသီးချည်း သပ်သပ်စားပါ။ ထောပတ်သီး၊ ခရမ်းချဉ်သီးနဲ့ ပန်းသီးတို့ကတော့ အင်ဇိုင်းနဲ့ ပက်စ်တင် (အနှစ်) ကြောင့် တခြားအသီးအရွက်တွေနဲ့ တွဲမိပုံရပါတယ်။
၅။ ဖရဲသီးကို သူ့ချည်း သပ်သပ်စားပါ။
၆။ အစာ တလုပ်နဲ့ တလုပ်ကြားမှာ ရေနဲနဲ သောက်တာကလွဲလို့ ရေမသောက်ပါနဲ့။
၇။ အစားအသောက်ပြင်ဆင်နေတုန်း မစားမိစေပါနဲ့။ ရေတခွက်သောက်လိုက်ပါ။ ဖရဲရည် ညှစ်ထည့်နိုင်ပါတယ်။ ချက်ပြုတ်နေတုန်း တငုံ၊ တငုံ သောက်နိုင်ပါတယ်။
၈။ တလုပ်စာတိုင်းမှာ ၂၅ ခါ ဝါးပါ။
၉။ သဘာဝအတိုင်း လတ်လတ်ဆတ်ဆတ်ကို စားပါ။
၁၀။ ဂျံုဖြူ၊ သကြားဖြူ၊ အချိုတု၊ စေးပြစ်အောင်လုပ်ထားတဲ့ နို့မှုန့် ဆီများများနဲ့ ကြော်တဲ့ အစားအစာ၊ ကဖင်းန် နဲ့ ပေါင်းအိုးနဲ့ ချက်ပြုတ်တဲ့ အစားအစာတွေ ရှောင်ပါ။
၁၁။ အစာမကြေတတ်ရင် အသီးအရွက်နဲ့ ဆွတ်ပြုတ်ကို ကြေညက်အောင်လုပ်ပြီး စားသောက်ပါ။
၁၂။ အစာကြေစေမယ့် အင်ဇိုင်း၊ သတ္တုဓါတ်နဲ့ Pro-biotics တွေကို စားပါ။
၁၃။ အေးအေးဆေးဆေး စားပါ။ စိတ်ဖိစီးနေခြင်းဟာ အစာကြေချက်မှုကို အကြီးအကျယ် နှောက်ယှက်တဲ့ တရားခံပါပဲ။
၁၄။ ကိုယ်ခန္ဓာက နားဖို့ ပြောလာတဲ့အခါ၊ နားဖြစ်အောင် နားလိုက်ပါ။ စားချိန်၊ နားချိန် ရစ်သမ်မှန်ပါစေ။
၁၅။ လေ့ကျင့်ခန်းလုပ်တာ၊ သက်တောင့်သက်သာ ကိုယ်ဟန် အနေအထားဟာ အစာအိမ် အကြောအချဉ်တွေကို သန်မာစေတဲ့အတွက် နပ်ဗ်ကြောတွေကို အာရုံကြောမကြီးကနေ အစာအိမ်နဲ့ အူလမ်းကြောင်းတွေအထိ သွေးလှည့်ပတ်မှု ကောင်းမွန်စေတာကြောင့် အစာကြေချက်မှုကို ကောင်းမွန်စေပါတယ်။

Solving religious problems in peace (Burmese)

" ဆိတ်သငယ်ကို အမိနို့ရည်နှင့် မပြုတ်မချက်ရ။ " - တရားဟောရာကျမ်း ၁၄း ၂၁
Thou shalt not seethe a kid in his mother's milk.

မြင်ယောင်ကြည့်လိုက်ပါ။ ဆိတ်သငယ်ကို အမိနို့ရည်နဲ့ ချက်စားတယ်ဆိုတာ တော်တော် ရက်စက်ရာကျပါတယ်။
ဒါပေမယ့် ဒီကျမ်းစာချက်ဟာ အစားအသောက်ကိုသာ ပြောတာမဟုတ်ပါဘူး။ လူတွေ စိတ်ကောင်း နှလုံးကောင်း ထားဖို့ကိုလည်း ပြောပြနေပါတယ်။ အစားအသောက်ထက် နည်းနည်းပို အရေးကြီးတဲ့ အကြောင်းအရာတွေ တကယ်ရှိနေပါတယ်။ ဆိတ်သငယ်ဆိုတာ အဓိကပြောချင်တဲ့အကြောင်းအရာရဲ့ အရိပ်မျှသာ ဖြစ်ပါတယ်။ ဆိတ်သငယ်က လူတယောက်ကို ပုံဆောင်တယ်ဆိုပါစို့။ အမိနို့ရည်ဆိုတာ သူကြီးပြင်းလာရတဲ့ ဆုံးမစကား၊ သင်ကြားခံယူရတာတွေ၊ အတွေးအခေါ်တွေ၊ ဘာသာတရားအသိတွေ ဖြစ်ပါတယ်။ လူတယောက်ရဲ့ ကိုယ်ပိုင်ဘဝနဲ့ သူခံယူခဲ့ရတာတွေဟာ အတိုင်းအတာတခုအထိ ဆက်နွယ်နေပေမယ့် လုံးလုံးရောမွှေပစ်လိုက်တာမျိုး မလုပ်သင့်ပါဘူး။ အသိုင်းအဝိုင်းတခုထဲမှာ၊ ကျောင်းတကျောင်းထဲမှာ၊ ဘာသာတရားတခုထဲမှာ အတူကြီးပြင်းခဲ့ရပေမယ့် လူတယောက်နဲ့တယောက်ဟာ စိတ်သဘော တထပ်တည်းမကျနိုင်ပါဘူး။ ဒါကို အတူတူ တတန်းထဲ၊ တမျိုးထဲအဖြစ် ရောပစ်လိုက်တာဟာ မတရားပါဘူး။ စိတ်ထားနူးညံ့သူတိုင်း၊ အကြင်နာတရားရှိသူတိုင်း၊ သဘောထားကြီးမြတ်သူတိုင်း၊ ယဉ်ကျေးသူတိုင်း မလုပ်သင့်တဲ့အရာပါ။ သိပ်ရက်စက်တဲ့ စိတ်သဘောထားပါ။

ဒါကြောင့် လူတယောက်မှားတာနဲ့ သူ့ကိုးကွယ်တဲ့ ဘာသာတရားနဲ့ အသိုင်းအဝိုင်းတခုလုံးကို ရောအပြစ်တင်မယ်ဆိုရင် စိတ်ထားကြမ်းတမ်းလွန်းပါတယ်။ လူတယောက်က ပြစ်မှုတခုကို ကျူးလွန်တဲ့အခါမှာ လုပ်ဆောင်သင့်တာ အဓိက ၂ ခုရှိပါတယ်။

၁။ မြို့ပြဥပဒေအရ အရေးယူပါ။ သင့်တင့်မျှတတဲ့ ပြစ်ဒဏ်ဖြစ်ဖို့ကတော့ အရေးအကြီးဆုံးပေါ့။

၂။ တရားဥပဒေအရ အရေးယူပြီးတဲ့အခါမှာ သူပြစ်မှားသူဟာ တခြားလူမျိုး၊ တခြားဘာသာဝင် ဖြစ်နေရင် ထပ်လုပ်သင့်တာတခု ရှိပါတယ်။ ဥပမာ... ခရစ်ယာန်တယောက်က မူးယစ်ရမ်းကားခဲ့တယ် ဆိုပါစို့။ မြို့ပြဥပဒေအရ အရေးယူပြီးတဲ့အခါ သူတက်တတ်တဲ့ ဘုရားကျောင်းရဲ့ သင်းအုပ်ဆရာထံကို မြို့အုပ်ချုပ်ရေးအရာရှိက သွားပြောပြနိုင်တယ်။ `သူ့ကို ပြစ်မှုနဲ့ တရားဥပဒေအရ အရေးယူထားပါပြီ။  သူက ဆရာ့ အသင်းသားလို့ ပြောပါတယ်။ ဒါကြောင့် သေရည်သေရက် ရှောင်ကြဉ်ဖို့၊ စိတ်နူးညံ့သိမ်မွေ့ဖို့၊ ပတ်ဝန်းကျင်ကို လေးစားဖို့ ၂လ၊ ၃လ လောက် ဆရာ့အသင်းတော် ဘုရားကျောင်းမှာ တရားဟောပေးပါဆရာ´ လို့ တောင်းပန်နိုင်ပါတယ်။ အဲဒီအခါ ဆရာကလည်း `ဟုတ်ကဲ့ပါခင်ဗျာ။ ကျွန်တော်လည်း ရှက်မိပါတယ်။ စိတ်ချပါခင်ဗျာ။ ကျွန်တော် ကြိုးစားသွန်သင်ပါမယ်´ လို့ ပြန်ပြောမှာပါပဲ။ ဒီနေရာမှာ အုပ်ချုပ်ရေး ၀န်ထမ်းက ဘာသာရေးသမားကို အာဏာလာပြနေတာမျိုးကို မလုပ်ရပါဘူး။ ဒါဟာ သိပ်ရိုင်းတဲ့အပြုအမူ ဖြစ်သွားပါလိမ့်မယ်။ အကူအညီတောင်းတာ၊ တောင်းပန်တာပဲ ဖြစ်သင့်ပါတယ်။ ဆရာကလည်း ကိုယ်တိုင်မလုပ်တဲ့ ပြစ်မှုအတွက် ကိုယ့်အသိုင်းအဝန်းကိုယ်စား စိတ်နှိမ့်ချ တောင်းပန်နေရတာပါ။ သူ့အသိုင်းအဝိုင်းကိုလည်း ဒီထက်ပိုကောင်းအောင် သူကြိုးစားနေရတာပါ။

တခါ ဗုဒ္ဓဘာသာဝင်တယောက် လိမ်လည်မယ်၊ လူသတ်မယ်ဆိုပါစို့။ သူကို တရားဥပဒေအရ အရေးယူပါ။ ပြီးရင် မြို့အုပ်ချုပ်ရေးအရာရှိက သူကိုးကွယ်တဲ့ကျောင်းကို သွားပါ။ ဆရာတော်ကို လျှောက်ပါ။ တပည့်တကာတွေကို မုသာဝါဒ ရှောင်ကြဉ်ဖို့၊ လူအသက်ကို မသတ်ဖို့ ၂လ၊ ၃လ လောက် တရားပြဖို့ တောင်းပန်ပါ။ ဆရာတော်ကလည်း ငြင်းမယ်မထင်ပါ။

မူဆလင်တယောက် မတရားပြုကျင့်မှုကို ပြုမိတဲ့အခါ တရားဥပဒေအရ အရေးယူပါ။ သူသွားလေ့ရှိတဲ့ ဗလီကိုသွားပါ။ ဗလီဆရာကို ကာမဂုဏ်ချုပ်တည်းခြင်းတရား၊ မိဘများက လူငယ်များ အရွယ်ရောက်တဲ့အခါ သင့်တော်ရာနဲ့ အိမ်ထောင်ချပေးဖို့၊ အပြစ်မှားခံရသူဟာ အရှက်တကွဲဖြစ်ရတဲ့အပြင် စိတ်ဒဏ်ရာကို ကာလကြာရှည်စွာ ခံစားရလို့ သနားစရာကောင်းတဲ့ အကြောင်းတွေ ၂လ၊ ၃လ လောက် ဟောပြောပေးဖို့ တောင်းပန်ပါ။ သူငြင်းမယ်မထင်ပါ။ ( ဒါတွေက ဥပမာပေးတာပါ။ ) - ဆိုလိုတာကတော့ လူတွေဟာ ကိုယ်အသိုင်းအဝန်းကို ကောင်းအောင် ပြင်ရ၊ တာဝန်ယူကြရမှာပါ။ လူသားတွေရဲ့ အကျိုးကို ပြုစုရမှာပါ။ သူတပါး ဘာသာကို မကောင်းကြောင်း ပြောနေတာဟာ အလုပ်မဟုတ်ပါ။ ရန်လိုနေခြင်းဟာလည်း တရားတကယ်မကျင့်တာကို ပြနေပါတယ်။

တခါတရံမှာ ကိုယ်နဲ့ ဘာသာတူတဲ့ လူတယောက် ကျူးလွန်မိတဲ့ အပြစ်အတွက် ဘာမှမဆိုင်တဲ့သူတွေ အရှက်ရနေ၊ ကြောက်ရွံ့ထိန့်လန့်နေရတာဟာ မဖြစ်သင့်တဲ့အရာပါ။ ရောပြီး အပြစ်ဒဏ်ခံရမယ်ဆိုရင်တော့ ဆိတ်သငယ်ကို အမိနို့ရည်နဲ့ ချက်သလို ဖြစ်နေပါပြီ။ ရက်စက်လွန်းရာကျမှာပါ။ ကိုယ့်အသိုင်းအဝိုင်းကို ကိုယ်ပြုပြင်ခြင်းအားဖြင့်သာ နေထိုင်ရတာ  ပိုပြီး အဆင်ပြေတဲ့ လူအသိုင်းအဝိုင်းတခု ဖြစ်လာစေနိုင်တယ်လို့ ကျွန်တော်ထင်ပါတယ်။ ဒါဟာ ဥပဒေသဘောမဟုတ်ပါ။ ဥပဒေက လူ့အသိုင်းအဝိုင်းအတွက် အခြေခံလိုအပ်ချက် စည်းကမ်းမျှသာ ဖြစ်ပါတယ်။ တကယ်တော့ အခြေခံထက်ပိုပြီး ကောင်းမွန်စွာ နေထိုင်နိုင်လေ ကောင်းလေပါပဲ။

Even Bacteria Get Sick - ဘက်တီးရီးယားတွေလည်း ဖျားကြတယ် .....

`ဤလောကတနိုင်ငံလုံးသည် ယခုတိုင်အောင် တညီတညွတ်တည်း ညည်းတွား၍ ဆင်းရဲခြင်း ဝေဒနာကို ခံရသည်ဟု ငါတို့သိကြ၏။´ - ရောမ ၈း ၂၂

သတင်းကောင်းလို့ ပြောမလားပဲ။ ကျွန်တော်တို့ကို ဖျားနာစေတဲ့ ဘက်တီးရီးယားတွေလည်း ဖျားကြပါသတဲ့။ ဖျားရင်တော့ သူတို့လည်း ဆေးသောက်ကြရမှာပဲလို့ ပြောစရာပေါ့လေ.... အဲဒီ ဘက်တီးရီးယားတွေကို ဖျားစေတဲ့အရာတွေဟာ လူတွေအတွက်  လိုနေတဲ့ ဆေးပါပဲ။

ဘက်တီးရီးယားတွေမှာလည်း ရန်သူဘက်တီးရီးယားတွေ ရှိတယ်ဆိုတာကို ၁၉၂၅ ခုနှစ်မှာ တွေ့ရှိခဲ့ပါတယ်။ ဘက်တီးရီးယားတွေရဲ့ ရန်သူပိုးမွှားတွေအကြောင်း သိပ္ပံပညာရှင်တွေ လေ့လာနေကြတော့ နောင်အခါဆိုရင် ပဋိဇီဝ ပိုးသတ်ဆေးတွေ သိပ်သုံးကြ၊ သောက်ကြရမှာ မဟုတ်တော့ပါဘူး။

 နမိုးနီးယား- အအေးမိရောဂါ၊ တီဘီ အဆုတ်ရောဂါ၊  ၀မ်းရောဂါ နဲ့ ဆုံဆို့နာ ရောဂါတွေကို အပြီးတိုင် ကွယ်ပျောက်သွားဖို့ ကြိုးစားခဲ့ကြတယ်။ ဒါပေမယ့် အဲဒီလောက် ကောင်းတဲ့ဆေးတော့ မတွေ့ခဲ့ကြသေးပါဘူး။

တခါ ဘက်တီးရီးယားတွေက အကောင်းဆုံးဆိုတဲ့ ဆေးတွေကိုတောင် ဆေးယဉ်လာနေတယ်။ အဲဒါကြောင့် ဘက်တီးရီးယားတွေကို ပြန်စားနေတဲ့ ဘက်တီးရီးယားပိုးတွေကို အဓိကထားပြီး စိတ်ဝင်တစား လေ့လာနေတာ ဖြစ်တယ်။ ဒီပိုးက bacteriophage လို့ ခေါ်တယ်။ သူက ဘက်တီးရီးယားပိုးထဲ ရောက်သွားပြီး သူ့အထဲမှာ ထပ်ပွါးပြီး၊ တနာရီလောက်အကြာမှာ ဘက်တီးရီးယားပိုးကို သတ်ပစ်လိုက်ကာ တခြားပိုးတွေထံ ဆက်ကူးသွားပါတယ်။

စမ်းသပ်ကြည့်တော့ အဲဒီ ဘက်တီးရီးယားစားတဲ့ ပိုးတွေက  ပဋိဇီဝ ပိုးသတ်ဆေးတွေထက် ပိုကောင်းနေပါတယ်။ သူတို့က သက်ရှိဆိုတော့ လူတယောက်ကနေ တယောက် ကူးကြပြီးတော့ ရောဂါပြီးအောင် လုပ်ပေးနိုင်ကြပါတယ်။

ဒီအချက်ကို ကြည့်ရင် လူတွေဟာ ဘုရားသခင် ဖန်ဆင်းထားတဲ့ အရာတွေကနေ ပြန်သင်ယူနေကြရတယ် ဆိုတာပါပဲ။      ။

http://www.creationmoments.com/

Alzheimer’s Disease - အယ်လ်ဇိုင်းမား ရောဂါ

၁၉၉၄- နိုဝင်ဘာလမှာ အမေရိကန်သမ္မတဟောင်း ရော်နယ်လ် ရေဂင်က သူ့မှာ အယ်လ်ဇိုင်းမား ရောဂါရှိနေပြီလို့ ပြည်သူတွေကို အသိပေးစာတစောင် ရေးခဲ့ပါတယ်။ သူ့ဘဝရဲ့ နေဝင်ချိန်လို့ သူခေါ်တဲ့ အဲဒီခရီးကို စတင်လျှောက်လှမ်းပြီး ၁၀ နှစ်အကြာ၊ သူ့အသက် ၉၃ နှစ်အရွယ်၊ ၂၀၀၄ ခု၊ ဇွန်လ ၅ ရက်နေ့မှာ ဆုံးပါးသွားပါတော့တယ်။

သူ့စာထဲမှာ အယ်လ်ဇိုင်းမား ရောဂါကို သူကြောက်တဲ့အကြောင်း၊ ကြုံရတဲ့ အခက်အခဲတွေအကြောင်း ရေးထားပါတယ်။ အခုလို လူသိရှင်ကြား ထုတ်ဖေါ်ပြောဆိုတဲ့အတွက် ဒီရောဂါ ခံစားနေရသူတွေနဲ့ သူတို့ရဲ့ မိသားစုတွေကို ပိုနားလည်လာကြလိမ့်မယ်လို့ သူနဲ့ သူ့ဇနီး နန်စီက မြော်လင့်ပါတယ်လို့ ဆိုပါတယ်။

အမေရိကန်ပြည်ရဲ့ ၄၀ ယောက်မြောက် သမ္မတဖြစ်ခဲ့တဲ့ ရော်နယ်လ် ရေဂင်ဟာ အယ်လ်ဇိုင်းမား ရောဂါသည်တွေထဲမှာ နာမည်အကြီးဆုံးသူလို့ ဆိုနိုင်ပါတယ်။ အမေရိကန်ပြည်မှာ လူ ၄.၅ သန်းလောက်ဟာ အဲဒီရောဂါကို ခံစားနေကြရတယ်။ နောက်ထပ် သန်းပေါင်းများစွာလည်း ဒီရောဂါကို နောင်နှစ်တွေမှာ ခံစားရဖွယ် ရှိပါတယ်။

ဆရာဝန်တွေက အယ်လ်ဇိုင်းမား ရောဂါကို ဦးနှောက် တဖြည်းဖြည်း ကမောက်ကမ ဖြစ်လာတဲ့ရောဂါလို့ ဆိုပါတယ်။ မှတ်ဉာဏ်နဲ့ ပင်ကိုယ်စွမ်းရည်တွေကို ထိခိုက်စေပါတယ်။ ဆေးမရှိသေးပါဘူး။ ရောဂါဖြစ်လာရင် နေ့စဉ်ဘဝကို ရင်ဆိုင်ဖြေရှင်းနိုင်စွမ်း မဲ့လာပါတယ်။ ဖြစ်စမှာတော့ လူတွေရဲ့ နာမည် (သို့မဟုတ်) ပစ္စည်းထားမိတဲ့ နေရာ စတာတွေကို မေ့လာပါတယ်။

ကြာတော့ ပိုပို မေ့လာပါတယ်။ ကိုယ့်မိသားစုရဲ့ နာမည်ကို မေ့လာတယ်။ ကိုယ်ဘယ်သူလဲဆိုတာ မေ့လာတယ်။ နောက်ဆုံးတော့ ဘာတခုမှ မမှတ်မိတော့ဘူး။ ဒါက သူ့ကိုယ်ခန္ဓာက တခြားအစိတ်အပိုင်းတွေ မသေခင်၊ ဦးနှောက်အရင်သေသွားတာ ဖြစ်ပါတယ်။ ရောဂါဖြစ်ရင် ဒီရောဂါနဲ့ပဲ သေတော့မှာ ဖြစ်ပေမယ့် မသေခင်နှစ်အတော်ကြာ ဝေဒနာခံစားနေရပါတယ်။

အယ်လ်ဇိုင်းမား ရောဂါဟာ Dementia လို့ခေါ်တဲ့ စိတ်မကျန်းမာမှု (သို့) ချွတ်ယွင်းမှုတမျိုး ဖြစ်ပါတယ်။ Dementia ဆိုတာက နေ့စဉ်လုပ်ဆောင်စရာလေးတွေကိုတောင် စဉ်းစား၊ လုပ်ဆောင်နိုင်စွမ်း မရှိတော့တာ ဖြစ်ပါတယ်။ ဒါက ရောဂါတော့ မဟုတ်ပါဘူး။ ရောဂါကြောင့် ဖြစ်လာတဲ့ လက္ခဏာရပ်တွေသာ ဖြစ်ပါတယ်။

တချို့ Dementia တွေဟာ ကုလို့ ရပါတယ်။ အထူးသဖြင့် အရက်၊ မူးယစ်ဆေး၊ မျက်စိဝေဒနာ၊ နားပြဿနာ၊ နှလုံး (သို့) အဆုတ်ပြဿနာ (သို့) ခေါင်း ထိခိုက် ဒဏ်ရာတွေဆိုရင် ကုလို့ရပါတယ်။ တချို့ Dementia အမျိုးအစားတွေကတော့ ဗစ်တာမင်ဓါတ်တွေ (သို့) ဟော်မုန်းတွေရဲ့ ပါ၀င်နှုန်းကို ညှိညွတ်ပေးရုံနဲ့ ကောင်းသွားနိုင်ပါတယ်။ ဒါပေမယ့် အယ်လ်ဇိုင်းမား ရောဂါဖြစ်သူရဲ့ သေသွားတဲ့ ဦးနှောက် Cells ဆဲလ်တွေကတော့ အစားထိုးလို့ မရနိုင်တော့ပါဘူး။

ရောဂါဖြစ်ရင် စိတ်တိုလာတယ်။ ကြမ်းတမ်းလာတယ်။ အကြောင်းမရှိ သွားလာမယ်။ အသက်ကြီးသူတွေဆိုရင် အိမ်နဲ့ အဝေးကြီးမှာ လျှောက်သွားနေပြီး၊ ဘယ်ကလာလို့၊ ဘယ်ရောက်နေမှန်း မသိတော့ပါ။

အယ်လ်ဇိုင်းမား ရောဂါ တိုးလာပုံက တယောက်နဲ့တယောက် မတူတတ်ပါဘူး။ ဒါပေမယ့် အစပိုင်း ရောဂါ အရိပ်အရောင်တွေက တူပါတယ်။ ကိုယ့်မှာ အပြောင်းအလဲ ရှိလာတွေကို မရိပ်မိတတ်ကြပါဘူး။ တချို့ကတော့ ရိပ်မိပါတယ်။ ဒါကို ဖုန်းကွယ်ဖို့ ကြိုးစားကြပြန်ပါတယ်။

အများစုဖြစ်တတ်တဲ့ အစောပိုင်း လက္ခဏာကတော့ ရေတိုမှတ်ဉာဏ် ဆုံးရှံုးတာဖြစ်ပါတယ်။ ဥပမာ- မနေ့က အဖြစ်အပျက်ကို မေ့တာမျိုးပါ။ သင်ယူဖို့ ခက်လာတယ်။ မှတ်သားဖို့ ခက်လာတယ်။ တဖြည်းဖြည်း စဉ်းစားရတာ ခက်လာတယ်။ ရယ်စရာပြောတဲ့စကားလည်း နားမလည်တော့ပါ။ အချက်အပြုတ်လည်းမရ။ သာမန် အလုပ်ကလေးတခုကိုတောင် မလုပ်တတ်တော့ပါ။

တခြားရောဂါလက္ခဏာကတော့ သာမန်ပြဿနာကလေးတွေကို ဖြေရှင်းရခက်လာမယ်။ ဟင်းအိုးတူးတာတောင် ဘာလုပ်ရမှန်း မသိဖြစ်လာမယ်။ လမ်းညွှန်ဆိုင်းဘုတ်တွေကို နားမလည်၊ လမ်းလည်း မရှာတတ် ဖြစ်လာမယ်။

ကိုယ်တွေးနေတာ၊ သိနေတာကို ပြန်ပြောပြဖို့ စကားလုံး ရှာရခက်လာမယ်။ နောက်တော့ ရောဂါဖြစ်သူဟာ ပြောင်းလဲလာတယ်။ အေးအေးနေတတ်တဲ့သူက ဆူညံအော်ဟစ်ပြီး၊ ဒေါသကြီးလာတယ်။ စိတ်တိုလာသလို၊ လူတွေကို မယုံတော့ပါဘူး။

ဒီရောဂါဟာ အသက် ၆၅ ကျော်မှ ဖြစ်တတ်တာပါ။ ၅၀ အောက်မှာလည်း ရှားရှားပါးပါး တွေ့ရတတ်ပါတယ်။ အများစုကို တွေ့ရတာကတော့ အသက် ၈၀ အရွယ်မှာဖြစ်ပါတယ်။

၆၅ နှစ်အရွယ်မှာ ၂ ရာခိုင်နှုန်းလောက်ပဲ တွေ့ရပါတယ်။ အသက် ၈၀ မှာတော့ ၂၀ ရာနှုန်းလောက် တွေ့ရပါတယ်။ အသက် ၉၀ အရွယ်မှာတော့ လူဦးရေ တဝက်လောက်မှာ ရောဂါလက္ခဏာတချို့ တွေ့နေရပါတယ်။ လူမျိုးမရွေး ဖြစ်တတ်ပါတယ်။ အမျိုးသမီးတွေက အမျိုးသားတွေထက် ပို ဖြစ်တတ်ပါတယ်။ ဒါကလည်း အမျိုးသမီးတွေက အမျိုးသားတွေထက် အသက်ပိုရှည်တာနဲ့လည်း ဆိုင်ပါတယ်။

အယ်လ်ဇိုင်းမား ရောဂါ ရှိ/ မရှိ စမ်းသပ်ဖို့ရာ မလွယ်ပါဘူး။ ဆရာဝန်က ချို့ယွင်းချက်တွေကို အရင်ရှာရပါတယ်။ တခြားချိုကယွင်းချက်တွေပါ တွေ့လာမှ အယ်လ်ဇိုင်းမား ရောဂါလို့ ယူဆရတာပါ။ အယ်လ်ဇိုင်းမားရောဂါရှိတယ်လို့ အသေအချာ ပြောနိုင်ဖို့ကတော့ သေပြီးနောက် ဦးနှောက်ကို ခွဲစိတ် စစ်ဆေးကြည့်မှသာ ရပါတယ်။

ရောဂါရှိကြောင်း သိနိုင်ပုံတွေတော့ တွေ့လာနေပါပြီ။ ဥပမာတခုအနေနဲ့ - လူ ၆၈ ယောက်ရဲ့ ဦးနှောက်နဲ့ အာရုံကြောမကြီးကို လေ့လာခဲ့ပါတယ်။ ရောဂါလက္ခဏာဖြစ်တဲ့ ပရိုတိန်း ၂၃ မျိုးကိုတွေ့ခဲ့ကြပါတယ်။ ဒီပရိုတိန်း စမ်းသပ်မှုဟာ ၉၀ ရာခိုင်နှုန်း မှန်ကန်နေတယ်လို့ ဆိုပါတယ်။

နောက်တွေ့ရှိချက်တခုကတော့ ရောဂါဖြစ်နေသူတွေမှာ F-D-D-N-P လို့ခေါ်တဲ့ ဓါတ်တမျိုးကို တွေ့ရတာပါပဲ။ အသက်ကြီးသူ အယောက် ၈၀ ရဲ့ ဦးနှောက်ကို ဓါတ်မှန်ရိုက် ပုံဖေါ်ပြီး လေ့လာခဲ့ကြတာ ဖြစ်ပါတယ်။ ဒီလေ့လာချက်ကတော့ အယ်လ်ဇိုင်းမားနဲ့ သာမန် မှတ်ဉာဏ်လျော့နည်းတဲ့ ပြဿနာတွေရဲ့ ကွာခြားချက်ကို လေ့လာရာမှာ ၉၈ ရာခိုင်းနှုန်း မှန်ကန်တယ်လို့ ဆိုပါတယ်။ လူနာအများကြီးကို အကြိမ်ကြိမ် အထပ်ထပ် လေ့လာကြရဦးမယ်လို့ သိပ္ပံပညာရှင်တွေက ဆိုပါတယ်။ ဒါပေမယ့် ဒီနည်းတွေနဲ့ ရောဂါရှိကြောင်း စစ်ဆေးကြည့်နိုင်ပြီဆိုမှ အတတ်နိုင်ဆုံး စောစော ကုသနိုင်မှာ ဖြစ်ပါတယ်။       ။

Mozart - သီချင်းရေးဆရာ မိုဇတ်

၂၀၀၆ ခုနှစ်မှာဆိုရင် ဩစတြီးယန်း သီချင်းရေးဆရာ Wolfgang Amadeus Mozart မွေးဖွါးခဲ့တာ နှစ်ပေါင်း ၂၅၀ ပြည့်ခဲ့ပါပြီ။

ဒီဇင်ဘာ ၅ ရက်နေ့မှာ မိုဇတ် သေတဲ့ နှစ်ပတ်လည်နေ့ကို ကမ္ဘာတဝန်းလုံးက ကျင်းပခဲ့ကြပါတယ်။ သူမသေခင် အပြီးမသတ်ခဲ့နိုင်ခဲ့တဲ့ Requiem ကို အဓိက တင်ဆက်ကြပါတယ်။ Requiem ဆိုတာဟာ သေသူကို ဂုဏ်ပြုတဲ့ သီချင်းပါ။ မကျန်းမမာ ဖြစ်လာတဲ့အတွက် သူ့ကိုယ်သူ ဂုဏ်ပြုဖို့ ရေးထားခဲ့သလားလို့ ထင်မှတ်ရပါတယ်။ ဒါပေမယ့် ဒီသီချင်းဟာ ၀မ်းနည်းစရာ၊ လျှို့ဝှက်နက်နဲရာတွေထက် ပျော်စရာတွေသာ ပိုပါပါတယ်။

မိုဇတ် သီချင်းတွေ ရေးခဲ့တာဟာ ၁၈ ရာစုရဲ့ ဒုတိယ ရာစုဝက်မှာ ဖြစ်ပါတယ်။ အဲဒီခေတ် ဥရောပ ဂီတပညာရှင်တွေဟာ ဘုရင်တွေ၊ မိဖုရားတွေနဲ့ တော်ဝင်မိသားစုတွေအတွက် ဖျော်ဖြေခဲ့ကြပါတယ်။ ဂီတသမားတွေဟာ ငွေကြေးအထောက်အပံံအတွက် လူချမ်းသာတွေအပေါ်မှာ မှီခိုခဲ့ရပါတယ်။

မိုဇတ်ဟာ သူ့မိတ်ဆွေ Joseph Haydn နဲ့တွဲပြီး Classical style ဂန္တဝင်ဂီတမှာ အကောင်းဆုံး စံနမူနာတွေ ဖြစ်ခဲ့ကြပါတယ်။ သူခေတ်မှာ အဲဒီဂီတဟာ အရေးအကြီးဆုံး ဂီတဖျော်ဖြေမှုတမျိုးဖြစ်ပါတယ်။ ဒီနေ့ခေတ်မှာတော့ Classical ဆိုတာ Orchestra သံစုံဝိုင်းတွေမှာ ရေးသားတီးမှုတ်တဲ့ သီချင်းတွေ ဖြစ်ပါတယ်။

တချို့က Symphony 25 in G Minor ဟာ မိုဇတ်ရဲ့ ပထမဦးဆုံး လက်စွမ်းပြ လက်ရာလို့ ဆိုပါတယ်။ အဲဒီသီချင်းရေးချိန်မှာ သူ့အသက်က ၁၇ နှစ်ပါ။

မိုဇတ်ရဲ့ သီချင်းရေးပုံအကြောင်းပြောကြရင် effortless ဆိုတဲ့စကားကို မကြာခဏ သုံးကြပါတယ်။ တကူးတက ကြိုးစားအားထုတ်ထားတာ မဟုတ်ဘူးလို့ ဆိုလိုပါတယ်။ ၁၇၅၆  မှာ သူ့ကို ဩစတြီးယား Austria ပြည် Salzburg မြို့မှာ မွေးပါတယ်။ မွေးပြီးတာနဲ့ သူ့ကို Johannes Chrysostomus Wolfgangus Theophilus Mozart လို့ နာမည်ပေးပါတယ်။ ဒါပေမယ့် သူက `ဘုရားသခင် ချစ်တဲ့သူ´ လို့ ဆိုလိုတဲ့  “Amadeus, or Amade” လို့ ခေါ်တာကို ပိုသဘောကျပါတယ်။

Wolfgang ဟာ Leopold Mozart နဲ့ Anna Maria Pertl တို့ရဲ့ သားသမီး ရ ယောက်ထဲမှာ အငယ်ဆုံး ဖြစ်ပါတယ်။ သားသမီး ၅ ယောက်က ကလေးဘဝမှာပဲ သေဆုံးကြတယ်။ Wolfgang နဲ့ သူ့အမ Maria Anna တို့ပဲ ကျန်ပါတယ်။ နှစ်ယောက်လုံး ငယ်ငယ်က ဂီတမှာ တော်ကြပါတယ်။ မိဘတွေနဲ့အတူ ဥရောပတခွင်မှာ လှည့်လည် ဖျော်ဖြေခဲ့ကြပါတယ်။

Wolfgang ရဲ့ ဖခင်ဟာ နာမည်ကြီး တယောဆရာ ဖြစ်ပါတယ်။ Wolfgang ကို မွေးတဲ့နှစ်မှာပဲ Leopold ဟာ နာမည်ကြီးတဲ့ တယောတီးနည်းစာအုပ် ထုတ်ဝေခဲ့ပါတယ်။ မကြာခင်မှာပဲ Wolfgang ဟာ တူရိယာအမျိုးမျိုးကို ထူးထူးကဲကဲ နိုင်နိုင်နင်းနင်း တီးခတ်နိုင်စွမ်း ပြလာခဲ့ပါတယ်။

ရှစ်နှစ်အရွယ်မှာ Piano စတီးပါတယ်။ တခါတရံ မျက်စိမှိတ်တီးပါတယ်။ Organ နဲ့ တယောကိုလည်း ကျွမ်းကျွမ်းကျင်ကျင် တီးပါတယ်။ သူရဲ့ ဂီတအသိက လူကြီးတယောက်ရဲ့ အသိမျိုးပါ။

ခရီးသွားတဲ့အတွက် သူ့ရဲ့ ဂီတပညာ ပိုတိုးတက်လာပါတယ်။ သူ့အဖေက ၁၈ ရာစုရဲ့ ဥရောပမြို့ကြီးတွေမှာ ဖျော်ဖြေခဲ့ပါတယ်။ သူတို့မိသားစုဟာ Lodon, Munich, Vienna, Prague နဲ့ Paris မြို့တွေကို သွားခဲ့ပါတယ်။

၁၇၇၈ မှာတော့ မိသားစုမှာ ၀မ်းနည်းစရာ ကြုံလာပါတယ်။ မိုဇတ်ကလေးက သူ့အမေနဲ့အတူ Paris မှာ အလုပ်ရှာနေချိန်ပါ။ သူ့အမေ ဖျားနာပြီး သေပါတယ်။ ဟိုအဝေးက Salzburg မြို့မှာနေတဲ့ အဖေဖြစ်သူ Leopold က ဘာမှ မကူနိုင်၊ မကယ်နိုင် ဖြစ်သွားပါတယ်။ အမေသေတာ သားကြောင့်လို့ အပြစ်တင်ပါတယ်။

ငယ်ငယ်က Salzburg မြို့မှာနေတုန်း ဂိုဏ်းအုပ်ကြီးထံမှာ Concert Master ပြဇာတ်ဆရာ လုပ်ဖူးပါတယ်။ ဘာသာရေး သီချင်းတွေ ရေးပေးရပါတယ်။ ဒါပေမယ့် သူ့အပေါ်မှာ အလုပ်ရှင် မကောင်းဘူးလို့ ခံစားရတဲ့အတွက် ၁၇၈၁ မှာ အလုပ်ထွက်ခဲ့ပါတယ်။

Salzburg မြို့က အပြီးအပိုင် ထွက်လာခဲ့ပြီး၊ Vienna မြို့ကိုရောက်တော့ သူ့ရဲ့ ဂီတပညာဟာ အထွတ်အထိပ်ကို ရောက်နေပါပြီ။ Vienna မြို့ဟာ Holy Roman Emperor Joseph II နေထိုင်တဲ့မြို့ပါ။ ဥရောပတဝှန်းက ဂီတပညာရှင်တွေဟာ ဧကရာဇ်ကို ဖျော်ဖြေဖို့ လာကြလေ့ရှိပါတယ်။

၁၇၈၂ - မှာ မိုဇတ်ဟာ Constanze Weber နဲ့ ဩစတြီးယန်းမြို့တော်မှာ လက်ထပ်ပါတယ်။ သူ့ဇနီးကို `ကမ္ဘာပေါ်မှာ အကြင်နာတတ်ဆုံး နှလုံးသားနဲ့ အတွေ့အကြံု ရင့်ကျက် နှံ့စပ်သူ´ လို့  သူက ဆိုပါတယ်။ Constanze မှာ ကလေး ၆ ယောက်ရှိပေမယ့် ၂ ယောက်သာ ရှင်ပါတယ်။ အခက်အခဲတွေရှိပေမယ့်လည်း ပျော်ပျော်ရွှင်ရွှင် နေထိုင်ခဲ့ကြပါတယ်။

Vienna  မြို့မှာ မိုဇတ်ဟာ သူ့ရဲ့အကောင်းဆုံး Operas တွေ ရေးခဲ့ပါတယ်။ Opera ဆိုတာ သံစုံဝိုင်းနဲ့ ကပြရတဲ့ ဂီတပြဇာတ်တွေ ဖြစ်ပါတယ်။ တခြားမြို့တွေမှာလည်း ဖျော်ဖြေခဲ့ရပါတယ်။ သူ့ရဲ့ The Marriage of Figaro ဟာ Prague မြို့မှာ လူကြိုက်များခဲ့ပါတယ်။

အဲဒီမြို့မှာပဲ အော်ပရာ နောက်တပုဒ်ရေးဖို့ တောင်းဆိုခံရပါတယ်။ Don Giovanni ပြဇာတ်ကို ရေးခဲ့ပါတယ်။ ဒါဟာ သူ့ရဲ့အကောင်းဆုံးအော်ပရာလို့  အများက ယူဆကြပါတယ်။ ဒီအော်ပရာဟာ စပိန်စာရေးဆရာ Tirso de Molina ရေးတဲ့ ချစ်တတ်တဲ့ သူရဲကောင်း Don Juan အကြောင်းဖြစ်ပါတယ်။ ဟိုတုန်းက Don Giovanni  သတ်ခဲ့တဲ့ လူတယောက်ရဲ့ ၀ိညာဉ်က လူ့လောကကို ပြန်လာပြီး သူ့ကိုဖမ်းဆီးကာ၊ ငရဲကို ဆွဲချတဲ့အကြောင်း ဖြစ်ပါတယ်။ 

မိုဇတ်ရဲ့ သီချင်းတွေကို ရုပ်ရှင်ဇာတ်ကားပေါင်း ၃၀၀ ကျော်မျာလည်း ကြားရနိုင်ပါတယ်။ Jean Renoir ရဲ့ The Rules of the Game ဇာတ်ကားကနေ Stanley Kubrick ရဲ့ Eyes Wide Shut ဇာတ်ကားအထိ ပါ၀င်ပါတယ်။

၁၉၈၄ ခုနှစ်မှာ peter Shaffer ရဲ့ Amadeus ဇာတ်ကားဟာ မိုဇာတ်အကြောင်း ရိုက်ကူးထားတာ ဖြစ်ပါတယ်။ အကယ်ဒမီ ၈ ဆု ရပါတယ်။ ဒါပေမယ့် သမိုင်းဆရာတွေကတော့ အီတလီ သီချင်းရေးဆရာ Antonio Salieri ကို မိုဇတ်သေရတဲ့ တရားခံအဖြစ် ပြတာဟာ မမှန်ဘူးလို့ ထောက်ပြကြပါတယ်။ Salieri ဟာ မိတ်ဆွေတယောက်သာ ဖြစ်သလို၊ မိုဇာတ်ရဲ့ သားကို သင်ပြရသူလည်း ဖြစ်ပါတယ်။

 မိုဇတ်ဟာ အသက် ၃၅ နှစ်အရွယ် ၁၇၉၁ ခု၊ ဒီဇင်ဘာ ၅ ရက်မှာ သေဆုံးပါတယ်။ သီချင်းအပုဒ်ပေါင်း ၆၀၀ ကျော် ရေးခဲ့ပါတယ်။ ခေတ်ကာလတလျှောက်လုံးမှာ အကောင်းဆုံးသီချင်းရေးဆရာအဖြစ် မိုဇတ်ကို ပညာရှင်တချို့က ယူဆကြပါတယ်။                ။

ဆံပင် - Hair

ဆံပင်

By Sherry Hutson Camperson

ဆံပင်ဟာ နို့တိုက်သတ္တဝါတွေမှာ ပေါက်တဲ့ အမွေးအမှင်ပါ။ အမွေးနုကလေးကနေ ကြမ်းတမ်းစူးရှတဲ့ ဖြူဆူးအထိ ပုံစံအမျိုးမျိုးနဲ့ ပေါက်ပါတယ်။ ဝေလငါးကတော့ နို့တိုက်သတ္တဝါတွေထဲမှာ အမွေးအမှင် အနည်းဆုံးပါ။

လူမှာ နူးညံ့တိုတောင်တဲ့ အမွေးအမှင်တွေ တကိုယ်လုံး ပေါက်တတ်ပေမယ့် ခေါင်းက ဆံပင်ကတော့ အထူဆုံးပါပဲ။ ကွယ်ကာဖို့နဲ့ နွေးထွေးစေဖို့ ဖြစ်ပါတယ်။ မျက်ခွံပေါ်နဲ့ ခြေဖဝါး၊ လက်ဖဝါးတွေပေါ်မှာတော့ အမွေးအမှင် မပေါက်တတ်ပါဘူး။

ဆံပင်မွေးတိုင်းမှာ အခြေခံအားဖြင့် ၂ ပိုင်းပါပါတယ်။ ဆံပင်ချောင်းနဲ့ အမြစ်ဖြစ်ပါတယ်။ အရေပြားထဲက ထွက်လာတဲ့အခါ အမြစ်ကနေ ဆံပင်ချောင်း ဖြစ်လာပါတယ်။ တလကို ၁ လက်မခွဲ ရှည်ထွက်ပါတယ်။ ၄ နှစ်လောက် ရှည်ထွက်လာပြီးရင် ကျွတ်ထွက်သွားပါတယ်။ အသစ်တချောင်း အစားထိုးပေါက်လာပါတယ်။ ပေါက်လိုက်၊ ကျွတ်လိုက် ပုံမှန်ဖြစ်နေပါတယ်။

ဆံပင်ချောင်းပိုင်းဟာ လုံဝန်းတဲ့ ပုံစံရှိပါတယ်။ နဂို ဆံပင်ကောက်သူတွေကတော့ ပြားတဲ့ပုံစံ ရှိတတ်ပါတယ်။ ဆံပင်နီရင် ခေါင်းမှာ ဆံပင် ၉၀,၀၀၀ ရှိပါတယ်။ နက်ရင် ၁၀၃,၀၀၀ ။ ညိုရင် ၁၀၉,၀၀၀ ။ ရွှေရောင်က ၁၄၀,၀၀၀ ရဲ့ အထက်ရှိပါတယ်။ ပိုနဲနဲ၊ လိုနဲနဲပဲ ကွာပါမယ်။

ဆံပင်ဟာ အရေပြားဆဲလ်တခုသာ ဖြစ်ပြီး၊ သူ့ကို မာကြောသန်မာစေဖို့ ကဲရတင် Keratin ဓါတ် နဲ့ ဖုံးအုပ်ထားပါတယ်။ ဒီဓါတ်ကို လက်သည်း၊ ကြံချို၊ မြင်းခွါနဲ့ ငှက်မွေးတွေမှာ တွေ့ရပါတယ်။

အမြစ်ပိုင်းကတော့ သွေးကြောမျှင်တွေနဲ့ ဆက်နေပါတယ်။ ဆံပင်တချောင်းမှာ မျိုးရိုးဗီဇနဲ့ဆိုင်တာတွေ အားလုံးပါပါတယ်။ ဘယ်သူနဲ့မှ မတူတဲ့၊ သီးသန့် ပင်ကိုယ်သဘာဝ ဖြစ်စေတဲ့ DNA ပါပါတယ်။ ကိုယ့်ပင်ကိုယ် သဘာဝဖြစ်စေမယ့် အရာအားလုံးဟာ ဆံပင်တချောင်းထဲမှာ ရှိနေပါတယ်။

ဆံပင်တချောင်းကို စနစ်တကျ လေ့လာကြည့်ရင် ကျား/မ၊ လူမျိုး စတဲ့အကြောင်းအရာ များစွာကို ဖေါ်ပြပေးနိုင်ပါတယ်။ ပြစ်မှုဖြစ်ပွါးတဲ့ နေရာမှာတွေ့ရတဲ့ ဆံပင်ကို ဓါတ်ခွဲခန်းပို့ပြီး လေ့လာရင်၊ တရားခံရဲ့ ဖုံးကွယ်ထားတဲ့ အချက်တွေကို သိနိုင်ပါတယ်။

ဘုရားသခင်က ဆံပင် အမြစ်ကနေ၊ ဆံပင်အဖျား အကွဲပိုင်းအထိ ဖန်ဆင်းထားတာပါ။ ခေါင်းပေါ်မှာ ဆံပင်ဘယ်နှစ်ချောင်း ရှိတယ်ဆိုတာ ဘုရားသခင် အတိအကျ ရေတွက်ထားပါတယ်။ ( မဿဲ ၁၀း ၃၀ ) တကယ်တော့ ကိုယ့်ရဲ့အမွေးအမှင်တွေကို ဘုရားသခင် ဖန်ဆင်းထားတာပါ။

ကိုယ့်မှာရှိတဲ့ ဆံပင်အမျိုးအစားအတွက် စိတ်မညစ်ပါနဲ့။ အသားအရောင်၊ မျက်လုံးအရောင်တွေဟာ ဆံပင်ရောင်နဲ့ ဆက်နေကြတာပါ။ တိုတို၊ ရှည်ရှည် ဘုရားပေးတဲ့အတိုင်း နေကြရတာပါ။              ။
From “Hair: The Long and the Short of It” by Sherry Huston Camperson.

Superstars - စူပါစတားတွေ အကြောင်း

ဆံပင်

By Sherry Hutson Camperson

ဆံပင်ဟာ နို့တိုက်သတ္တဝါတွေမှာ ပေါက်တဲ့ အမွေးအမှင်ပါ။ အမွေးနုကလေးကနေ ကြမ်းတမ်းစူးရှတဲ့ ဖြူဆူးအထိ ပုံစံအမျိုးမျိုးနဲ့ ပေါက်ပါတယ်။ ဝေလငါးကတော့ နို့တိုက်သတ္တဝါတွေထဲမှာ အမွေးအမှင် အနည်းဆုံးပါ။

လူမှာ နူးညံ့တိုတောင်တဲ့ အမွေးအမှင်တွေ တကိုယ်လုံး ပေါက်တတ်ပေမယ့် ခေါင်းက ဆံပင်ကတော့ အထူဆုံးပါပဲ။ ကွယ်ကာဖို့နဲ့ နွေးထွေးစေဖို့ ဖြစ်ပါတယ်။ မျက်ခွံပေါ်နဲ့ ခြေဖဝါး၊ လက်ဖဝါးတွေပေါ်မှာတော့ အမွေးအမှင် မပေါက်တတ်ပါဘူး။

ဆံပင်မွေးတိုင်းမှာ အခြေခံအားဖြင့် ၂ ပိုင်းပါပါတယ်။ ဆံပင်ချောင်းနဲ့ အမြစ်ဖြစ်ပါတယ်။ အရေပြားထဲက ထွက်လာတဲ့အခါ အမြစ်ကနေ ဆံပင်ချောင်း ဖြစ်လာပါတယ်။ တလကို ၁ လက်မခွဲ ရှည်ထွက်ပါတယ်။ ၄ နှစ်လောက် ရှည်ထွက်လာပြီးရင် ကျွတ်ထွက်သွားပါတယ်။ အသစ်တချောင်း အစားထိုးပေါက်လာပါတယ်။ ပေါက်လိုက်၊ ကျွတ်လိုက် ပုံမှန်ဖြစ်နေပါတယ်။

ဆံပင်ချောင်းပိုင်းဟာ လုံဝန်းတဲ့ ပုံစံရှိပါတယ်။ နဂို ဆံပင်ကောက်သူတွေကတော့ ပြားတဲ့ပုံစံ ရှိတတ်ပါတယ်။ ဆံပင်နီရင် ခေါင်းမှာ ဆံပင် ၉၀,၀၀၀ ရှိပါတယ်။ နက်ရင် ၁၀၃,၀၀၀ ။ ညိုရင် ၁၀၉,၀၀၀ ။ ရွှေရောင်က ၁၄၀,၀၀၀ ရဲ့ အထက်ရှိပါတယ်။ ပိုနဲနဲ၊ လိုနဲနဲပဲ ကွာပါမယ်။

ဆံပင်ဟာ အရေပြားဆဲလ်တခုသာ ဖြစ်ပြီး၊ သူ့ကို မာကြောသန်မာစေဖို့ ကဲရတင် Keratin ဓါတ် နဲ့ ဖုံးအုပ်ထားပါတယ်။ ဒီဓါတ်ကို လက်သည်း၊ ကြံချို၊ မြင်းခွါနဲ့ ငှက်မွေးတွေမှာ တွေ့ရပါတယ်။

အမြစ်ပိုင်းကတော့ သွေးကြောမျှင်တွေနဲ့ ဆက်နေပါတယ်။ ဆံပင်တချောင်းမှာ မျိုးရိုးဗီဇနဲ့ဆိုင်တာတွေ အားလုံးပါပါတယ်။ ဘယ်သူနဲ့မှ မတူတဲ့၊ သီးသန့် ပင်ကိုယ်သဘာဝ ဖြစ်စေတဲ့ DNA ပါပါတယ်။ ကိုယ့်ပင်ကိုယ် သဘာဝဖြစ်စေမယ့် အရာအားလုံးဟာ ဆံပင်တချောင်းထဲမှာ ရှိနေပါတယ်။

ဆံပင်တချောင်းကို စနစ်တကျ လေ့လာကြည့်ရင် ကျား/မ၊ လူမျိုး စတဲ့အကြောင်းအရာ များစွာကို ဖေါ်ပြပေးနိုင်ပါတယ်။ ပြစ်မှုဖြစ်ပွါးတဲ့ နေရာမှာတွေ့ရတဲ့ ဆံပင်ကို ဓါတ်ခွဲခန်းပို့ပြီး လေ့လာရင်၊ တရားခံရဲ့ ဖုံးကွယ်ထားတဲ့ အချက်တွေကို သိနိုင်ပါတယ်။

ဘုရားသခင်က ဆံပင် အမြစ်ကနေ၊ ဆံပင်အဖျား အကွဲပိုင်းအထိ ဖန်ဆင်းထားတာပါ။ ခေါင်းပေါ်မှာ ဆံပင်ဘယ်နှစ်ချောင်း ရှိတယ်ဆိုတာ ဘုရားသခင် အတိအကျ ရေတွက်ထားပါတယ်။ ( မဿဲ ၁၀း ၃၀ ) တကယ်တော့ ကိုယ့်ရဲ့အမွေးအမှင်တွေကို ဘုရားသခင် ဖန်ဆင်းထားတာပါ။

ကိုယ့်မှာရှိတဲ့ ဆံပင်အမျိုးအစားအတွက် စိတ်မညစ်ပါနဲ့။ အသားအရောင်၊ မျက်လုံးအရောင်တွေဟာ ဆံပင်ရောင်နဲ့ ဆက်နေကြတာပါ။ တိုတို၊ ရှည်ရှည် ဘုရားပေးတဲ့အတိုင်း နေကြရတာပါ။              ။
From “Hair: The Long and the Short of It” by Sherry Huston Camperson.